Dhanteras 2022: आज धनत्रयोदशीला सोनं खरेदी केलं, तर पुढीच्या वर्षी इतके मिळतील रिटर्न्स
आज धनत्रयोदशीच्या दिवशी सोने-चांदी, दागिने, भांडी खरेदी करणाऱ्यांची मोठी गर्दी होणार आहे. त्याचवेळी एक आनंदाची बातमी म्हणजे की आज सोन्याचा भाव ५० रुपयांनी खाली घसरला आहे. Goodreturn वेबसाइटनुसार आज २४ कॅरेट १ ग्रॅम सोन्याची किंमत रु. ५,०६० आहे जी काल रु. ५,०७३ होती. अशाप्रकारे २४ कॅरेट १० ग्रॅम सोन्याचा आजचा नवीन दर रु. ५०,६०० आणि १०० ग्रॅमचा दर रु. ५,०६,००० आहे. त्याचवेळी २२ कॅरेट सोन्याचा भाव आज १५ रुपयांनी कमी झाला आहे. १ ग्रॅम २ कॅरेट सोन्याचा दर रु. ४,६३५ आहे, १० ग्रॅम सोन्याचा दर आज रु. ४६,३५० आहे, जो काल रु. ४६,५०० होता, तर १०० ग्रॅम सोन्याचा दर आज रु. ४,६३,५०० आहे, जो काल रु. ४,६५,००० होता.
धनत्रयोदशीला खरेदी करण्याचा विचार करताय, तर सोने-चांदीशिवाय जाणून घ्या काय खरेदी कराल
गुडरिटर्न्स वेबसाइटनुसार उत्पादन शुल्क, राज्य कर आणि मेकिंग चार्जेस यासारख्या घटकांमुळे मौल्यवान सुवर्ण धातूचे दर दररोज बदल राहतात. वेबसाइटनुसार २२ कॅरेटचे १० ग्रॅम सोने मुंबई आणि कोलकाता येथे ४६,२५० रुपयांत विकले जात आहे. त्याच वेळी, आज नवी दिल्लीत सोन्याचा भाव ४६,३५० रुपये आणि चेन्नईमध्ये ४६,६५० रुपये आहे.
दिवाळीला काय गिफ्ट द्यायचं याचा विचार करताय? कुटुंबाला, मित्रांना द्या या ५ आर्थिक भेटवस्तू
एमसीएक्सवर सोन्या-चांदीच्या किमती वाढल्या
मात्र, मल्टी कमोडिटी एक्सचेंजवर (एमसीएक्स) सोने आणि चांदीच्या किमती हिरव्या रंगात व्यवहार करत आहेत. एमसीएक्सवर सोन्याचा भाव ५०,६३५ रुपये प्रति १० ग्रॅम, तर चांदी ५७,६७० रुपये प्रति किलोवर व्यवहार करत आहे.
जागतिक बाजारातील सोने-चांदीचे दर
दरम्यान जागतिक बाजारात सोन्या-चांदीच्या दरात घसरण झाली आहे. सोन्याची स्पॉट किंमत ०.३५ टक्क्यांनी घसरून १,६८९.०१ डॉलर प्रति औंस झाली. यापूर्वी शुक्रवारी देखील सोन्याचा भाव ०.४१ टक्क्यांनी घसरला होता. दुसरीकडे, सोन्याबरोबरच आज चांदीच्या दरातही घसरण झाली आहे. चांदीची स्पॉट किंमत आज १.८६ टक्क्यांनी घसरून १९.७६ डॉलर प्रति औंस झाली आहे. पण शेवटच्या ट्रेडिंग सत्रात म्हणजेच सोमवारी चांदीच्या किमतीत किंचित वाढ झाली.
