या प्रकरणी मुंढवा पोलिस स्टेशनमध्ये महिला पोलिस नाईक ए. ए. दिवेकर यांनी तक्रार दिली आहे. या आरोपी महिलेच्या विरुद्ध सरकारी कामात अडथळा निर्माण केल्याचा गुन्हा पोलिसांनी दाखल केला आहे. सोमवारी (दि. १३) सकाळी सव्वा अकराच्या सुमारास मुंढवा चौकात ही घटना घडली.
महिला पोलिस कर्मचारी दिवेकर मुंढवा चौकात वाहतूक नियमन करीत होत्या. त्या वेळी त्या ठिकाणी आलेल्या आरोपी महिलेने तिची दुचाकी झेब्रा क्रॉसिंगवर उभी केली. त्यामुळे दिवेकर यांनी त्यांचा फोटो काढून कारवाई करण्यास सुरुवात केली. दरम्यान, या गोष्टीचाा आल्यामुळे महिलेने दिवेकर यांचा हात पिरगळून अपशब्द वापरले. तसेच, त्यांच्या अंगावर धावून जात आरडा-ओरडा करून सरकारी कामात अडथळा निर्माण केला. या प्रकरणी पुढील तपास सहायक पोलिस निरीक्षक रेजितवाड करीत आहेत.
Maharashtra News, Latest Maharashtra News in Marathi, महाराष्ट्र ठळक बातम्या | Maharashtra Times
