सांगली : भाजपा आमदार गोपीचंद पडळकर (Gopichand Padalkar) यांच्यावर राष्ट्रवादी काँग्रेस पक्षाचे युवा नेते रोहित पाटील (Rohit Patil) यांनी जोरदार पलटवार केला आहे. असा कोणताही पक्ष आणि संघटना संपत नसते आणि आपला जन्मच राष्ट्रवादीच्या स्थापनेबरोबर झालाय. त्यामुळे आपण तरी राष्ट्रवादीशिवाय अन्यत्र कोठे जाऊ शकत नाही, असे स्पष्ट करत रोहित पाटील यांनी पडळकरांच्या राष्ट्रवादी काँग्रेस पार्टी भाजपात विलनीकरणाच्या वक्तव्याचा समाचार घेतला आहे. रोहित पाटील हे सांगलीमध्ये बोलत होते. (rohit patil gives reply to bjp mla gopichand padalkar)

तसेच महाराष्ट्राच्या नवनिर्मिती मध्ये राष्ट्रवादी काँग्रेसचा आणि शरद पवारांचा मोठा हात आहे आणि नवनिर्मिती करणाऱ्या शरद पवारांच्या बद्दल संपूर्ण महाराष्ट्राला माहिती आहे. महाराष्ट्राचा विकास कोणी केला याची कल्पना सर्वांनाच आहे. शेतकऱ्यांना देखील याची कल्पना आहे. पवार साहेबांचे विचार आणि पक्ष कोणीच संपू शकत नाही. त्यामुळे असा पक्ष संपणार नाही,असा टोलाही रोहित आर आर पाटील यांनी आमदार गोपीचंद पडळकर यांना लगावला आहे.

दबावानंतरही निवडणुकीचा फैसला चिठ्ठीवर जातो, मग पराभव नेमका कुणाचा? रोहित पाटलांचा सवाल
राष्ट्रवादी काँग्रेस कार्यालय कार्यालय व बारामतीसह राष्ट्रवादी काँग्रेसचे प्रदेशाध्यक्ष जयंत पाटील यांच्या घरावर भाजपचा झेंडा लागेल आणि ९०% राष्ट्रवादी ही भाजपात विसर्जित होईल, असं वक्तव्य गोपीचंद पडळकर यांनी केला आहे, यावरून रोहित आरआर पाटलांनी बोलताना हा पलटवार केला आहे.

ओढ्याला पूर आलेला असतानाही पुलावरून कार नेली; बघता बघता वाहून गेली कार, चालक बेपत्ता
नेमके काय म्हणाले होते पडळकर?

राष्ट्रवादी काँग्रेस पक्षाच्या कार्यालयावर भारतीय जनता पक्षाचा झेंडा लागला आहे. भाजपचा हा झेंडा येत्या काळामध्ये राष्ट्रवादी कॉँग्रेसच्या प्रदेशाध्यक्ष जयंत पाटील यांच्या घरावर दिसेल, असे मी तुम्हाला विश्वासाने सांगतो असे पडळकर यांनी म्हटले होते. आता आपल्याला भाजपमध्येच जावे लागेल असे ९० टक्के कार्यकर्ते म्हणतील आणि मग मुंबईच्या कार्यालयावर नेमका कोणाचा झेंडा लागेल असा त्यांच्यात वाद निर्माण होईल. तर बहुमताने लोक भारतीय जनता पक्षात येतील असेही पडळकर बोलताना पुढे म्हणाले होते. त्यांच्या याच वक्तव्याचा समाचार युवानेते रोहित पाटील यांनी घेतला आहे.

रोहित पाटलांची सत्ता भाजप खासदारामुळे खालसा, राष्ट्रवादीची चार मतं फुटल्याने पराभव

LEAVE A REPLY

Please enter your comment!
Please enter your name here