rohit sharma record, IND vs PAK : पाकिस्तानविरुद्ध मैदानात पाय टाकताच घडला इतिहास; धोनी-विराटच्या पंगतीत रोहित सहभागी – rohit sharma join ms dhoni virat kohli elite club innida wins toss elected to field first against pak t20 world cup

मेलबर्न : आयसीसी T20 विश्वचषक २०२२ मध्ये रविवारी आज भारत आणि पाकिस्तान यांच्यामधील महामुकाबला मेलबर्न क्रिकेट मैदानावर सुरु आहे. या सामन्यात भारतीय संघाचा कर्णधार रोहित शर्माने एखाद्या आयसीसी स्पर्धेत कर्णधाराच्या रुपात पदार्पण केलं आहे. २०२१ पासून कर्णधार पदाची धुरा पुर्णपणे सांभाळणारा रोहित आज पहिल्यांदा आयसीसी स्पर्धेत भारताचे नेतृत्व करत आहे. याआधी, २०२२ आशिया कपमध्ये रोहितच्या नेतृत्वाखाली भारतीय संघ मैदानात उतरलेला, ज्यात भारताला अंतिम सामन्यापर्यंत पोहचण्यात अपयश आले होते. रोहित शर्मा पाकिस्तान विरुद्ध कर्णधाराच्या भुमिकेत पदार्पण करत माजी कर्णधार महेंद्र सिंह धोनी आणि सहकारी खेळाडू विराट कोहली यांच्या विशेष क्लबमध्ये सामील झाला आहे.

T20 विश्वचषकाचे आतापर्यंत ७ हंगाम झाले आहेत आणि त्यात भारताच्या दोन दिग्गजांनी कर्णधारपद सांभाळले आहे. २००७ मध्ये भारताला पहिल्यांदा विश्वविजेता बनवणाऱ्या महेंद्र सिंग धोनीने सर्वात जास्त वेळा म्हणजेच ६ वेळा T20 विश्वचषकात भारताचे कर्णधारपद भुषवले आहे. तर विराट कोहली हा २०२१च्या विश्वचषकात भारताचा कर्णधार होता. धोनीच्या नेतृत्वाखाली भारत २००७ मध्ये विश्वविजेता बनला होता. तसेच भारताने २०१४च्या विश्वचषकात अंतिम फेरीमध्ये आणि २०१६च्या विश्वचषकात उपांत्यफेरीच्या सामन्यापर्यंत मजल मारली होती. त्यानंतर २०२१च्या विश्वचषकात विराट कोहली भारताचा कर्णधार झाला. त्या विश्वचषकात भारत साखळी सामन्यामध्येच बाहेर पडला.

टीम इंडियाला ‘गोल्डन चान्स’; ऑस्ट्रेलियाचा वर्ल्ड रेकॉर्ड मोडला जाणार तोही पाकिस्तानविरुद्ध
रोहित शर्मा आता T20 विश्वचषकात भारतीय संघाचे नेतृत्व करणारा तिसरा कर्णधार बनणार आहे. पाकिस्तानविरुद्धच्या सामन्यासाठी त्याने मैदानात पाय टाकताच हा विक्रम त्याच्या नावावर झाला आहे. चाहत्यांना कर्णधार रोहितकडून विश्वचषक स्पर्धेत खूप अपेक्षा आहेत. धोनीच्या नेतृत्वात २००७ T20 विश्वचषच जिंकल्यानंतर मागच्या १५ वर्षात भारतीय संघाने एकही T20 विश्वचषक जिंकला नाहीये. यावर्षी संघाचे नेतृत्व करताना रोहित भारताला दुसरा T20 विश्वचषक जिंकवून देईल, अशी चाहत्यांची अपेक्षा आहे. रोहित एक उत्कृष्ट कर्णधार आहे आणि त्याच्या नेतृत्वात भारताने अनेक महत्वाच्या मालिका जिंकल्या आहेत. आयपीएलमध्ये मुंबई इंडियन्सने त्याच्याच नेतृत्वात सर्वाधिक पाच विजेतेपद जिंकले आहेत.

अर्शदीप सिंगने रचला इतिहास, जगभरात कोणत्याही खेळाडूला करता आला नाही हा विश्वविक्रम