मेलबर्न: पाकिस्तानविरुद्धच्या थरारक सामन्यात भारतानं विजय मिळवला आहे. काळजाची धडधड वाढवणाऱ्या सामन्यात भारतानं रोमहर्षक विजय मिळवला. गेल्या टी-२० विश्वचषक स्पर्धेत पाकिस्ताननं भारताचा दारुण पराभव केला होता. त्या पराभवाचा भारतानं बदला घेतला. मेलबर्नमध्ये रंगलेल्या सामन्यात भारतानं पाकिस्तानचा ४ गडी राखून पराभव केला. विराट कोहलीच्या नाबाद ८२ धावा भारताच्या विजयाचं वैशिष्ट्य ठरल्या.

पाकिस्ताननं दिलेल्या १६० धावांचं आव्हान घेऊन फलंदाजीसाठी आलेल्या भारताला सुरुवातीला जोरदार धक्के दिले. लोकेश राहुल आणि रोहित शर्मा प्रत्येकी ४ धावा काढून माघारी परतले. यानंतर सूर्यकुमार यादव आणि अक्षर पटेलदेखील स्वस्तात बाद झाले. त्यामुळे भारताची अवस्था ४ बाद ३१ अशी झाली. यानंतर विराट कोहलीनं हार्दिक पांड्याच्या साथीनं डाव सावरला.
विराट कोहली मोठी चूक सुधारत कसा ठरला भारतासाठी मॅचविनर, जाणून घ्या मोठी माइंड गेम…
विकेट न टाकता अपेक्षित धावगती कायम राखण्याचं आव्हान विराट आणि हार्दिकसमोर होतं. दोघांनी अतिशय गांभीर्यानं फलंदाजी केली आणि संघाला सावरलं. पाचव्या विकेटसाठी दोघांनी ११३ धावांची भागिदारी केली. शेवटच्या ३ षटकांत भारताला ४८ धावांची गरज होती. १८ व्या षटकांत १७, १९ व्या षटकांत १५ धावा चोपल्या.

शेवटच्या षटकात अक्षरश: थरार पाहायला मिळाला. मोहम्मद नवाझच्या पहिल्या चेंडूवर हार्दिक पांड्या बाद झाला. दुसऱ्या चेंडूवर १, तर तिसऱ्या चेंडूवर २ धावा आल्या. चौथ्या चेंडूवर विराट स्ट्राईकला होता. तीन चेंडूंत १३ धावा होत्या. कोहलीनं नोबॉलवर षटकार ठोकला. त्यामुळे तीन चेंडूंत सहा धावांची गरज होती. पुढचा चेंडू नोबॉल होता. त्यामुळे तीन चेंडूत पाच धावा असं समीकरण झालं.
एकच वादा विराट दादा; दिवाळीपूर्वीच कोहलीची फटाकेबाजी, भारताचा पाकिस्तानवर दणदणीत विजय
पुढच्या चेंडूवर कोहली क्लीन बोल्ड झाला. चेंडू स्टम्पला लागून थर्ड मॅनच्या दिशेनं गेला. पण फ्री हिट असल्यानं कोहली आणि कार्तिकनं तीन धावा धावून काढल्या. त्यामुळे दोन चेंडूत दोन धावांची गरज होती. पण पाचव्या चेंडूवर कार्तिक बाद झाला. त्यामुळे एक चेंडू दोन धावा असं समीकरण होतं. अश्विन फलंदाजीला आला. मोहम्मद नवाझनं वाईड टाकला. त्यामुळे एक चेंडू एक धाव असं समीकरण असताना अश्विननं चौकार ठोकत संघाला विजय मिळवून दिला.

LEAVE A REPLY

Please enter your comment!
Please enter your name here