पेन्शनबाबत सरकारची मोठी घोषणा, वाचा तुम्हाला कसा होणार फायदा
याशिवाय टियर १ खात्यात गुंतवणुकीच्या नियमांमध्ये बदल करून, सदस्यांना टियर २ खात्यातील १००% रक्कम सक्रिय निवड अंतर्गत इक्विटीमध्ये हस्तांतरित करण्याचा पर्याय देण्यात आला असल्याचेही पीएफआरडीए अधिसूचनेत म्हटले आहे. सध्या एनपीएस सदस्यांना नोंदणीकृत कोणताही एक पेन्शन फंड निवडावा लागतो. यानंतर अॅक्टिव्ह चॉइस अंतर्गत चार पर्याय – इक्विटी, कॉर्पोरेट बाँड, सरकारी सुरक्षा आणि पर्यायी मालमत्ता- आहेत.
पेन्शनधारकांसाठी मोठी बातमी; आता UPI ने पैसे जमा करू शकणार
टियर १ आणि २ खात्यात काय फरक
राष्ट्रीय पेन्शन योजनेत दोन प्रकारची खाती उघडली जातात. यामध्ये, टियर १ खाते अनिवार्य आहे आणि त्यात जमा केलेल्या रकमेच्या आधारावर पेन्शन निश्चित केली जात असून निवृत्तीनंतरच रक्कम काढण्याची सूट आहे. तर टियर २ खाते हे बचत खात्यासारखे आहे आणि जर तुमच्याकडे टियर १ खाते असेल तरच ते उघडले जाऊ शकते. त्यातून तुम्ही कधीही पैसे काढू शकता.
EPF मधून तुमच्या NPS खात्यात पैसे ट्रान्सफर करायचंय, फॉलो करा ‘हे’ स्टेप्स
धोका आणि परतावा दरम्यान संतुलन
करोनाच्या काळात स्टॉक आणि संबंधित उत्पादनांमध्ये गुंतवणुकीबाबत खूप उत्साह निर्माण झाल्याचे आर्थिक सल्लागारांचे म्हणणे आहे. जास्त परतावा पाहून तरुणांबरोबरच वृद्धांचेही आकर्षण वाढले आहे. त्यांच्यानुसार गुंतवणुकीवरील धोका वयोमानानुसार कमी झाली पाहिजे. तर शेअर्समध्ये गुंतवणूक करताना सर्वाधिक धोका असतो. पण त्यात उच्च परतावा देखील आहे. यामुळेच पीएफआरडीएने शेअरधारकांसाठी गुंतवणूक आणि धोका यांच्यातील समतोल साधण्याचा प्रयत्न केला आहे.
पर्याय काळजीपूर्वक निवडा
गुंतवणूक योजना किंवा श्रेणी निवडण्यापूर्वी ग्राहकांनी त्यांच्या मागील कामगिरीचे आणि धोक्याने मूल्यांकन करावे आणि त्यानंतर तुम्ही त्यात गुंतवणूक करण्याचा निर्णय घ्यावा असा पेन्शन फंड नियामक PFRDA ने सल्ला दिला आहे. तसेच कामगिरी एक वर्ष किंवा त्यापेक्षा कमीत कमी पाच वर्षांवर आधारित असावी. तसेच त्या श्रेणीतील इतरांशी तुलना करण्याचे आर्थिक सल्लागारांचे म्हणणे आहे.
