melbourne balasahebanchi shivsena, तीन महिन्यापूर्वी आम्हीही मॅच जिंकलो, मेलबर्नला बाळासाहेबांची शिवसेना झळकली, शिंदेंची बॅटिंग – maharashtra political news cm eknath shinde thane diwali pahat speech on ind vs pak t20 world cup match victory virat kohli melbourne balasahebanchi shivsena

मुख्यमंत्री एकनाथ शिंदे काय म्हणाले?

भारत-पाकिस्तान मॅचचा उल्लेख करत मुख्यमंत्री एकनाथ शिंदे यांनी तुफान टोलेबाजी केली. काल आपण इंडिया पाकिस्तान मॅच जिंकली, त्याचाही आनंदोत्सव सगळीकडे साजरा झाला. आपण पाहिलं असेल की नाही, मला माहिती नाही, पण मेलबर्नच्या स्टेडियममध्ये आपली बाळासाहेबांची शिवसेना झळकली, असं एकनाथ शिंदे म्हणाले.

मुंबईतील मागाठाणे विधानसभा मतदारसंघाचं नेतृत्व करणारे शिंदे गटातील शिवसेना आमदार प्रकाश सुर्वे यांनी काल एक फोटो ट्विटरवर शेअर केला होता. ‘बाळासाहेबांची शिवसेना पोहोचली सातासमुद्रापार. ऑस्ट्रेलियातील मेलबर्न शहरात रंगलेल्या भारत विरुद्ध पाकिस्तान टी – २० विश्वचषक सामन्यात बाळासाहेबांच्या शिवसेनेचा झेंडा फडकला आहे. भारतासाठी आणि बाळासाहेबांच्या शिवसेनेसाठी हा अभिमानाचा क्षण आहे’ असं लिहित एका क्रिकेट चाहत्याने हाती धरलेल्या पोस्टरचा फोटो सुर्वेंनी पोस्ट केला होता.

काय होतं पोस्टरवर?

‘वारसदार बाळासाहेबांच्या विचारांचे, अखंड हिंदुत्वाचे – बाळासाहेबांची शिवसेना दिवा शहर’ असं या पोस्टरवर लिहिलं होतं. तर छत्रपती शिवाजी महाराज, शिवसेनाप्रमुख बाळासाहेब ठाकरे, धर्मवीर आनंद दिघे आणि मुख्यमंत्री एकनाथ शिंदे या तिघांचे फोटो या पोस्टरवर होते.

एकनाथ शिंदे काय काय म्हणाले?

आम्हीही तीन साडेतीन महिन्यांपूर्वी एक मॅच खेळलो आणि जिंकलो. ती महाराष्ट्रानेच नाही, देशाने आणि जगानेही पाहिली. लोकांच्या मनातलं राज्य आणण्याचा मी छोटासा प्रयत्न केलेला आहे. सध्या विकासाचं पर्व सुरु आहे, राज्यात परिवर्तनाचं सरकार आलं आहे, राज्याच्या विकासासाठी पैसा कमी पडू देणार नाही, अशी ग्वाहीसुद्धा ठाण्यातील दिवाळी पहाट कार्यक्रमात बोलताना मुख्यमंत्री एकनाथ शिंदे यांनी जनतेला दिली.

हेही वाचा : कोहलीवर अविश्वास दाखवणारे तोंडावर आपटले, नागपुरात बुकींचं ५०० कोटींचं नुकसान