india vs pakistan t20 world cup: वेळ ही सगळ्या प्रश्नांवरचं उत्तर असते असं म्हणतात. वेळ प्रत्येकाची येते. ती चांगले असते, तेव्हा माज दाखवायचा नसतो आणि जेव्हा ती वाईट असते तेव्हा खचायचं नसतं. संधी प्रत्येकाच्या वाट्याला येते आणि जेव्हा येते तेव्हा तिचं सोनं करायचं असतं. आपला चांगला काळ सुरू असताना माज करायचा नसतो.

 

virat class
मेलबर्न: वेळ ही सगळ्या प्रश्नांवरचं उत्तर असते असं म्हणतात. वेळ प्रत्येकाची येते. ती चांगले असते, तेव्हा माज दाखवायचा नसतो आणि जेव्हा ती वाईट असते तेव्हा खचायचं नसतं. संधी प्रत्येकाच्या वाट्याला येते आणि जेव्हा येते तेव्हा तिचं सोनं करायचं असतं. आपला चांगला काळ सुरू असताना माज करायचा नसतो. इतरांना कमी लेखायचं नसतं. कारण वेळ बदलायला वेळ लागत नाही. याचं ताजं उदाहरण म्हणजे शाहिन शाह आफ्रिदी.

टी-२० विश्वचषक स्पर्धा २०२१ मध्ये भारत आणि पाकिस्तान आमनेसामने होते. भारताची पहिला फलंदाजी होती. प्रेक्षक आपल्या जागी नीट बसलेही नसतील तितक्यात भारताच्या तीन विकेट गेल्या. सलामीवीर लोकेश राहुल ३ धावांवर माघारी परतला. तर रोहित शर्माला भोपळाही फोडता आला नाही. वेगवान गोलंदाज शाहीन शाह आफ्रिदीनं दोघांना बाद केलं. त्यावेळी कर्णधार असलेल्या विराट कोहलीनं एक बाजू लावून धरली. अर्धशतकी खेळी साकारली. मात्र तोही आफ्रिदीच्या गोलंदाजीवर बाद झाला. आफ्रिदी ४ षटकांत ३१ धावा देत भारताच्या तीन महत्त्वाच्या फलंदाजांना माघारी धाडलं.

आग ओकत असलेला आफ्रिदी सीमारेषेवर क्षेत्ररक्षणासाठी गेला. तिथे असलेल्या प्रेक्षकांनी त्याला साद घातली. त्यांना पाहून आफ्रिदीला चेव चढला. राहुल, रोहित, कोहली कसे बाद झाले याची ऍक्टिंग करत त्यानं खिल्ली उडवली. पण काल कोहलीनं आफ्रिदीचा हिशोब चुकता केला. शाहिन शाह आफ्रिदीला काल विकेट तर काढता आली नाहीच, उलट कोहलीनं त्याच्याच गोलंदाजीवर कडाडून हल्ला चढवला.
किंग कोहली! विराटनं भारतीयांची दिवाळी शॉपिंग थांबवली; विश्वास बसत नसेल तर आकडे पाहाच!
पाकिस्ताननं दिलेल्या १६० धावांचा पाठलाग करताना शेवटच्या ५ षटकांत भारताला ६० धावा हव्या होत्या. हारिस रौफ आणि नसीम शाह यांनी प्रत्येकी ६-६ धावा देत भारताची वाट खडतर केली. शेवटच्या ३ षटकांत ४८ धावांची गरज असताना चेंडू आफ्रिदीच्या हाती गेला. त्याआधी आफ्रिदीनं ३ षटकांत केवळ १७ धावा मोजल्या होत्या. पण आफ्रिदीचं शेवटचं षटक महागडं ठरलं. या षटकांत कोहलीनं ३ चौकारांसह १७ धावा चोपल्या आणि सामन्याचं पारडं फिरलं. पुढच्या षटकात १५ आणि शेवटच्या षटकात १६ धावा कुटत कोहलीनं संघाला विजय मिळवून दिला.

Marathi News App: तुम्हालाही तुमच्या अवतीभवती होत असलेल्या बदलांमध्ये सहभागी व्हायचं आहे? सिटिझन रिपोर्टर अॅप डाउनलोड करा आणि रिपोर्ट्स पाठवा.

LEAVE A REPLY

Please enter your comment!
Please enter your name here