Pune local news | वेल्हे तालुक्यातील दापोडे गावचा शेतकरी विजय शेंडकर याने सर्जा नावाचा बैल चरण्यासाठी डोंगरावर सोडला होता. दोन-तीन दिवस झाले बैल घरी आला नसल्याने घरातील कुटुंबातील सदस्यांनी काळजीपोटी डोंगरावर शोधाशोध केल्यानंतर रांजणे गावच्या डोंगरावर बैल खोल दरीत कोसळला असल्याची माहिती मिळाली. दुर्दैवाने सर्जा अशा ठिकाणी पडला की,तेथून त्याला पाय वाटेने बाहेर काढणे अशक्य होते.
हायलाइट्स:
- गेल्या २५ दिवसांपासून सर्जा हा दरीत अडकून पडला होता
- रेस्क्यू टीमने दोराच्या साहाय्याने या बैलाला वर आणले
शेतकऱ्याचे त्याच्या बैलावर असलेले जिवापाड प्रेम आजवर अनेक प्रसंगातून सामोरे आले आहे. अशीच एक घटना पुणे जिल्ह्यातील वेल्हे तालुक्यामध्ये घडली होती. वेल्हे तालुक्यातील दापोडे गावचा शेतकरी विजय शेंडकर याने सर्जा नावाचा बैल चरण्यासाठी डोंगरावर सोडला होता. दोन-तीन दिवस झाले बैल घरी आला नसल्याने घरातील कुटुंबातील सदस्यांनी काळजीपोटी डोंगरावर शोधाशोध केल्यानंतर रांजणे गावच्या डोंगरावर बैल खोल दरीत कोसळला असल्याची माहिती मिळाली. दुर्दैवाने सर्जा अशा ठिकाणी पडला की,तेथून त्याला पाय वाटेने बाहेर काढणे अशक्य होते. वरून व खालच्या दोन्ही बाजुने दरी असुन बैलाच्या काळजीपोटी शेतकऱ्याने दरीत दोर लावून खाली उतरत बैलाला जमेल तितका चारा, पाणी औषध, पोहोचवण्याचा प्रयत्न केला. मात्र, त्याला दरीतून वर काढणे एकट्याने शक्य नव्हते. त्यामुळे विजय शेंडकर यांनी मदत मागितली होती.
गेल्या पंचवीस दिवसांपासून विजय शेंडकर व त्याचे कुटुंब रोज घरी ये जा करत डोंगराच्या कपारीत उतरून बैल जिवंत राहील व त्यास बाहेर काढता येईल या आशेवर स्वतःचा जीव धोक्यात घालून कडेकपारीत उतरत होते. बैलाला औषध पाणी करीत होते. जमेल तितका चारा पाणी तिथे पोहोचवण्याचा प्रयत्न करीत होते. पुरेशी वैरण न मिळाल्याने अतिशय डौलदार असलेल्या सर्जाला अशक्तपणा आला होता. बैलाला बाहेर काढण्याचे सर्व उपाय थकले होते. शेतकरी कुटूंब हवालदिल झाला.त्यानंतर शेतकऱ्याने पुण्यातले सामाजिक कार्यकर्ते माऊली दारवटकर यांच्याशी संपर्क केल्यानंतर, दारवटकरांनी या विभागाचे, खासदार सुप्रिया सुळे यांच्याशी संपर्क करून या घटनेची माहिती दिली आहे. त्यानंतर सुळेंनी जिल्हाधिकारी कार्यालयाशी संपर्क साधल्यानंतर जिल्हा आपत्ती कक्षाची संपर्क करत तातडीनं मदत पोहचविण्याच्या सूचना दिल्यानंतर मुळशी तालुक्यातील भुगाव येथील रेस्क्यू टीमचे १० सदस्य या ठिकाणी दाखल झाले. त्यांच्यासोबत दापोडे गावचे ग्रामस्थांच्या मदतीने सर्जा बाहेर काढण्यासाठी प्रयत्न केले.
जवळच्या शहरातील बातम्या
Marathi News App: तुम्हालाही तुमच्या अवतीभवती होत असलेल्या बदलांमध्ये सहभागी व्हायचं आहे? सिटिझन रिपोर्टर अॅप डाउनलोड करा आणि रिपोर्ट्स पाठवा.
