uniliver, मोठी बातमी! डव, ट्रेसमेमुळे कॅन्सरचा धोका; युनिलिव्हरनं अनेक उत्पादनं रिकॉल; बाजारात खळबळ – dove nexxus and other dry shampoos recalled for cancer causing chemical
मुंबई: जगप्रसिद्ध कंपनी युनिलिव्हरच्या अनेक शॅम्पू ब्रँड्समध्ये कर्करोग निर्माण करणारं केमिकल आढळून आलं आहे. कंपनीनं Dove, Nexxus, Suave, TIGI आणि TRESemmé एयरोसोल ड्राय शॅम्पू अमेरिकन बाजारातून परत मागवले आहेत. सीएनएनच्या वृत्तानुसार यामध्ये बेंझिन सापडलं आहे. या केमिकलमुळे कर्करोग होऊ शकतो. ही उत्पादनं ऑक्टोबर २०२१ च्या आधी तयार करण्यात आल्याची माहिती अमेरिकेच्या अन्न आणि औषध प्रशासनानं दिली. ही उत्पादनं संपूर्ण देशातील वितरकांकडे पाठवण्यात आली होती. यामध्ये Dove Dry Shampoo Volume and Fullness, Dove Dry Shampoo Fresh Coconut, Nexxus Dry Shampoo Refreshing Mist, Suave Professionals Dry Shampoo Refresh and Revive यांचा समावेश आहे.
बेंझिनमुळे माणसांना कर्करोग होऊ शकतो. बेंझिन अनेक प्रकारे मानवी शरीरात जाऊ शकतं, असं एफडीएनं आपल्या रिकॉल नोटिशीत म्हटलं आहे. वास घेतल्यानं, तोंडावाटे, त्वचेतून बेंझिन शरीरात जाण्याचा धोका असतो. त्यामुळे ल्युकेमिया आणि रक्ताचा कर्करोग होऊ शकतो. लोकांनी अशा उत्पादनांचा वापर बंद करायला हवा आणि आपले पैसे परत घ्यायला हवेत, असं एफडीएनं म्हटलं आहे. पैसे परत घेण्यासाठी ग्राहकांनी UnileverRecall.com या संकेतस्थळावर जाण्याचा सल्ला देण्यात आला आहे. युनिलिव्हरनं अद्यापपर्यंत यावर कोणतंही भाष्य केलेलं नाही. तुम्ही परदेशातून किती सोने भारतात आणू शकता, काय सांगतो कायदा; जाणून घ्या सर्वकाही युनिलिव्हनं अनेक ब्रँड्सचे शॅम्पू बाजारातून माघारी बोलवण्याचा निर्णय घेतल्यानं वैयक्तिक काळजीसाठी वापरण्यात येणाऱ्या उत्पादनांमधील एयरोसोलबद्दल पुन्हा एकदा प्रश्न निर्माण झाले आहेत. गेल्या दीड वर्षात अनेक एयरोसोल सनस्क्रिन्स बाजारातून माघारी बोलवण्यात आल्या. त्यात जॉन्सन अँड जॉन्सनच्या Neutrogena, Edgewell Personal Care Co.च्या Banana Boat आणि Beiersdorf AG’s च्या Coppertone चा समावेश आहे.
तुम्ही परदेशातून किती सोने भारतात आणू शकता, काय सांगतो कायदा; जाणून घ्या सर्वकाही
