गुंतवणूकदारांची दिवाळी! सरकारी बँकेचे शेअर्स तुफान तेजीत, स्टॉक पोहोचला विक्रमी पातळीवरया आयपीओचे शेअर्स बीएसई आणि एनएसई या दोन्ही ठिकाणी सूचीबद्ध केले जातील. डीसीएक्स इलेक्ट्रॉनिक उप-प्रणाली आणि केबल हार्नेस तयार करते आणि या क्षेत्रातील भारतातील अग्रगण्य कंपन्यांपैकी एक आहे. कंपनीचे प्रवर्तक एनसीबीजी होल्डिंग आणि व्हीएनजी टेक्नॉलॉजी ऑफर फॉर सेलमध्ये त्यांचे स्टेक विकतील. आयपीओमधील ७५ टक्के संस्थात्मक गुंतवणूकदारांसाठी राखीव आहे. त्याच वेळी, १५ टक्के हिस्सा गैर-संस्थात्मक गुंतवणूकदारांसाठी असेल आणि किरकोळ गुंतवणूकदार फक्त १० टक्के बोली लावतील. कंपनीने एडलवाईस फायनान्शियल सर्व्हिसेस, अॅक्सिस कॅपिटल आणि सेफ्रॉन कॅपिटल यांना आयपीओचे रनिंग लीड मॅनेजर म्हणून नियुक्त केले आहे.
प्राईस बँड किती आहे?
कंपनीने या आयपीओची किंमत १९७-२०७ रुपये प्रति शेअर निश्चित केली आहे. तर एकच शेअर्स खरेदी करणे बंधनकारक आहे. लॉटमध्ये ७२ शेअर्स आहेत. म्हणजेच गुंतवणूकदाराला किमान १४,९०४ रुपयांची बोली लावावी लागेल.
गुंतवणूकदार करतील भरपूर कमाई, ‘या’ आठवड्यात ५ कंपन्याची एक्स-डिव्हिडंड डेट, जाणून घ्या
ग्रे मार्केट प्राईस काय आहे?
आयपीओ उघडण्यापूर्वीच डीसीएक्स सिस्टमच्या समभागांना ग्रे मार्केटमध्ये जबरदस्त प्रतिसाद मिळाला आहे. मिंटच्या अहवालानुसार डीसीएक्सच्या आयपीओचा ग्रे मार्केट प्रीमियम ८८ रुपये आहे. तसेच जर जीएमपी पाहिल्यास त्याचे शेअर्स २९५ रुपयांच्या आसपास सूचीबद्ध होतील आणि गुंतवणूकदारांना मोठा नफा मिळेल. या कंपनीचे शेअर्स ११ नोव्हेंबरच्या आसपास शेअर मार्केटमध्ये लिस्ट केले जाऊ शकतात.
दरम्यान, शेअर बाजारावर नजर ठेवणाऱ्यांच्या मते डीसीएक्स सिस्टमचे शेअर्स ग्रे मार्केटमध्ये ८८ रुपयांच्या प्रीमियमवर ट्रेडिंग करत आहेत. कंपनीने आपल्या आयपीओची किंमत १९७-२०७ रुपये निश्चित केली आहे.
‘या’ IPO ची शेअर बाजारात धमाकेदार एन्ट्री, गुंतवणूकदारांनी आता कोणती रणनीती आखावी
कंपनीचा व्यवसाय
कंपनीचे देशातच नव्हे तर परदेशातही अनेक ग्राहक आहेत. डिसेंबर २०२१ पर्यंत कंपनीचे इस्रायल, अमेरिका, कोरिया आणि भारतासह इतर देशांमध्ये २६ ग्राहक होते. यामध्ये काही फॉर्च्युन ५०कंपन्यांचाही समावेश आहे. याशिवाय अनेक बहुराष्ट्रीय कंपन्या आणि स्टार्टअप्स देखील DX सिस्टिमचे ग्राहक आहेत. उत्पन्नाबद्दल बोलायचे तर कंपनीने २०१९-२० मध्ये ४४९ कोटी रुपये कमावले होते. त्याच्या पुढील आर्थिक वर्षात म्हणजेच २०२१-२२ मध्ये कंपनीचे उत्पन्न ५६.६४ टक्क्यांनी वाढून ११०२ कोटी रुपये झाले आहे. मार्च २०२० पर्यंत कंपनीची ऑर्डर बुक १९४१ कोटी रुपये होती. तर ३१ मार्च २०२२ रोजी ती वाढून २३६९ कोटी रुपये झाली. म्हणजेच मार्चपर्यंत कंपनीकडे २३६९ कोटी रुपयांच्या ऑर्डर होत्या.
