करदात्यांनो खुशखबर; ITR भरण्याची मुदत वाढली, आता ‘या’ तारखेपर्यंत भरा आयकर रिटर्नगुरुवारी (२७ ऑक्टोबर) जारी केलेल्या निवेदनात CBDT ने म्हटले की सुधारित आणि अद्ययावत फॉर्म 26Q मध्ये ‘टॅक्स डिडक्शन अॅट सोर्स’चे (टीडीएस) तपशील सादर करण्यात येणाऱ्या अडचणी लक्षात घेता, दुसरा अर्ज सादर करण्याची अंतिम मुदत तिमाही तपशील ३० नोव्हेंबर २०२२ पर्यंत वाढवण्यात आला आहे. दरम्यान, फॉर्म 26Q चा वापर पगार नसलेल्या पेमेंटवर टीडीएस च्या तिमाही परताव्याचा तपशील देण्यासाठी केला जातो.
बोनसच्या रक्कमेतून आयकराची वजावट; कर्मचाऱ्यांमध्ये नाराजी
१ महिन्याची मुदतवाढ
या फॉर्ममध्ये एका तिमाहीत भरलेल्या एकूण रकमेचा आणि त्यावर कर कपातीचा तपशील आहे. यापूर्वी २०२२-२३ या आर्थिक वर्षाच्या जुलै-सप्टेंबर तिमाहीसाठी हा फॉर्म सबमिट करण्याची अंतिम मुदत ३१ ऑक्टोबर रोजी संपणार होती, पण आता ती एका महिन्याने वाढवण्यात आली आहे.
भाड्यावर दिलेल्या व्यावसायिक मालमत्तेवरही भरावा लागतो कर, जाणून घ्या काय आहे नियम
एएमआरजी अँड असोसिएट्सचे संचालक ओम राजपुरोहित म्हणाले की, अलीकडच्या काळात करदात्यांना तांत्रिक समस्यांचा सामना करावा लागला आहे. यामध्ये चलनाची जुळवाजुळव, चलन पडताळणीत अपयश यासारख्या समस्या प्रमुख आहेत. त्यामुळे या समस्यांची दखल घेत सीबीडीटीने रिटर्न जमा करण्यासाठी एक महिन्याचा अतिरिक्त वेळ दिला आहे.
कर्जमाफी योजना काय आहे?
जर वन टाइम लोन सेटलमेंट अंतर्गत कर्जमाफी दिली गेली तर त्यावर कोणताही टीडीएस लावला जाणार नाही, असे आयकर विभागाने गेल्या महिन्यात सांगितले होते. या अर्थसंकल्पात कर्जमाफीवर टीडीएसची तरतूद करण्यात आली होती. कर विभागानुसार कर्जमाफी योजनेत कर्जाची पुर्तता झाल्यानंतर बँकांना कोणताही टीडीएस भरावा लागणार नाही. हाच नियम कर्ज योजना, बोनस आणि राइट्स शेअर इश्यूमध्येही लागू असेल.
