अमृताने अनेक मालिका आणि चित्रपटातून मराठी चित्रपटसृष्टीत स्वतःच वेगळं स्थान निर्माण केलं. तिने साकारलेल्या प्रत्येक भूमिकेचं प्रेक्षकांकडून कौतुक झालं. आता तिने बॉलिवूडमध्येही नाव कमवायला सुरुवात केली आहे. मात्र आता ती खऱ्या आयुष्यात देखील एका आईची भूमिका साकारायला सज्ज झाली आहे. अमृताने तिच्या इन्स्टाग्रामवर एक फोटो पोस्ट करत याबद्दल माहिती दिली. तिने शेअर केलेल्या फोटोत एक प्रेग्नन्सी टेस्ट पॉझिटिव्ह आलेली स्ट्रीप आणि एक बाळाचं खेळणं दिसत आहे. केवळ या दोन गोष्टी शेअर करत तिने चाहत्यांना गोड बातमी दिली आहे.
चाहत्यांनी तिच्या पोस्टवर लाइक आणि कमेंटचा वर्षाव केला आहे. सोबतच आयुष्यातील नव्या प्रवासासाठी शुभेच्छा देखील दिल्या आहेत. तिच्या या पोस्टवर अभिनेत्री सुकन्या मोने यांनी ‘आई शप्पथ काय सांगतेस’ अशी प्रतिक्रिया देत तिला शुभेच्छा दिल्या आहेत. दरम्यान, अमृताने या पोस्टमध्ये वंडर वुमन या इन्स्टाग्राम पेजला टॅग केलं आहे. त्यामुळे ही पोस्ट अभिनेत्रीच्या आगामी प्रोजेक्टचा हा एक भागही असू शकतो असं काहींचं म्हणणं आहे.
