t20 world cup, किमान शब्दांत कमाल अपमान! तीन शब्दांत बाबर सेनेवर निशाणा; ही सुंदर क्रिकेटर आहे तरी कोण? – kainat imtiaz indirectly slams babar azam pakistan cricket team t20 world cup

पाकिस्तानच्या सुंदर क्रिकेटपटूंपैकी एक असलेल्या कायनात इम्तियाजनं एक ट्विट केलं आहे. तिनं स्वत:च्या फोटोसह केवळ तीन शब्द ट्विट केले आहेत. Visualise – Focus – Execute अशा तीन शब्दांचं ट्विट कायनातनं केलं आहे. त्यावरून पाकिस्तानी क्रिकेट चाहत्यांनी थेट बाबरच्या संघाची धुलाई सुरू केली. बाबर आझामच्या टीमला काहीतरी सांगा, अशा स्वरुपाच्या प्रतिक्रिया अनेकांनी कायनातच्या पोस्टवर दिल्या आहेत. भारतात कायनातचे असंख्य चाहते आहेत. तिच्या प्रत्येक पोस्टवर भारतीयांच्या कमेंट असतात.

पाकिस्तानी संघाची टी-२० विश्वचषक स्पर्धेतील सुरुवात खराब झाली आहे. पहिल्या सामन्यात भारतानं पाकिस्तानचा पराभव केला. विराट कोहली आणि हार्दिक पांड्यानं शतकी भागिदारी रचत पाकिस्तानच्या तोंडून विजयाचा घास हिरावला. शेवटच्या तीन षटकांमध्ये ४८ धावा कुटत भारतानं पाकिस्तानला धूळ चारली. कोहलीनं नाबाद ८२ धावा काढत गेल्या टी-२० विश्वचषक स्पर्धेतील पराभवाचा वचपा काढला.
फ्री हिटवर कोहली बोल्ड; तरीही ३ धावा कशा काढल्या? दिग्गज पंचानं सोप्या शब्दांत नियम सांगितला
दुसऱ्या सामन्यात लिंबूटिंबू समजल्या जाणाऱ्या झिम्बाब्वेनं पाकिस्तानचा पराभव केला. झिम्बाब्वेनं दिलेल्या १३१ धावांच्या लक्ष्याचा पाठलाग पाकिस्तानला जमला नाही. शेवटच्या चेंडूपर्यंत थरार रंगला. झिम्बाब्वेच्या सगळ्याच गोलंदाजांची टिच्चून गोलंदाजी केली. शेवटच्या षटकात ११ धावांची गरज होती. पहिल्या २ चेंडूंवर ७ धावा आल्या. त्यामुळे ४ चेंडूंमध्ये ४ धावा असं सोपं समीकरण असताना पाकिस्तानी संघ एका धावेनं पराभूत झाला. त्यामुळे त्यांच्या उपांत्य फेरीच्या आशा धूसर झाल्या आहेत.