यूट्यूबरनं ५० लाखांची बाईक सुस्साट पळवली; २५० चा स्पीड गाठला अन् आयुष्यभराचा धडा मिळाला
गुजरात सरकारमधील सुत्रांनी दिलेल्या माहितीनुसार, १ किंवा २ नोव्हेंबरला निवडणुकीच्या तारखा जाहीर होऊ शकतात. तारखा जाहीर होताच गुजरातमध्ये आचार संहिता लागू होईल. त्याआधी समान नागरी कायदा मोठा मास्टरस्ट्रोक ठरू शकतो. याआधी उत्तरखंड विधानसभेच्या निवडणुकीआधी समान नागरी कायद्याची घोषणा करण्यात आली होती. सरकार स्थापनेनंतर कायदा लागूदेखील करण्यात आला.
समान नागरी कायद्याचा विषय नेहमीच भाजपच्या अजेंड्यावर राहिला आहे. १९८९ च्या लोकसभा निवडणुकीत भाजपनं पहिल्यांदा हा विषय आपल्या जाहीरनाम्यात घेतला होता. २०१९ च्या लोकसभा निवडणुकीच्या जाहीरनाम्यातही समान नागरी कायद्याचं आश्वासन होतं. जोपर्यंत समान नागरी कायदा लागू होत नाही, तोपर्यंत लैंगिक समानता येणार नाही, असा दावा भाजपकडून केला जातो.
PM मोदींनी केलं आवाहन, ‘पोलिसांसाठी हवा एक देश, एक गणवेश’
समान नागरी कायदा म्हणजे काय?
याचा अर्थ कायद्याच्या नजरेत सगळे समान असतील. पुरुष असोवा वा महिला, त्यांचा धर्म, जात कोणतीही असो, कायदा त्यांच्यासाठी समान असेल. लग्न, घटस्फोट, उत्तराधिकार, दत्तक घेण्याची प्रक्रिया सगळ्या धर्मांसाठी समान असेल.
