Maharashtra Politics | पंतप्रधान मोदी यांच्या हस्ते रविवारी दुपारी अडीचच्या सुमारास बडोद्यात टाटा-एअरबस प्रकल्पाची पायाभरणी होईल. त्यामुळे लाखो रोजगार आणि हजारो कोटींची गुंतवणूक असलेला टाटा-एअरबस प्रकल्प (Tata Airbus Project) गुजरातमध्येच होणार, यावर शिक्कामोर्तब झाले आहे. त्याचवेळी राज्यातील शिंदे-फडणवीस सरकार आणि महाविकास आघाडीचे नेते परस्परांवर राजकीय चिखलफेक करण्यात मश्गूल असल्याचे चित्र आहे.

 

PM Modi Airbus
एअरबस प्रकल्प भूमिपूजन

हायलाइट्स:

  • गुजरातमध्ये विधानसभा निवडणूक होऊ घातली आहे
  • मोदी आणि अमित शाह यांचे गुजरातमधील दौरे वाढणार आहेत
मुंबई: राज्यात प्रस्तावित असलेला टाटा-एअरबस हा प्रकल्प गुजरातला गेल्यानंतर महाराष्ट्रातील सत्ताधारी आणि विरोधकांकडून केवळ एकमेकांवर चिखलफेक सुरु आहे. त्यापलीकडे जाऊन सत्ताधारी आणि विरोधकांनी एकत्र येऊन काही ठोस पाऊल उचललेले नाही. मात्र, त्याचवेळी पंतप्रधान नरेंद्र मोदी (PM Modi) यांच्याकडून टाटा-एअरबस (Tata Airbus) प्रकल्पाच्या भूमिपूजनाचा कार्यक्रम आटोपला जाणार आहे. पंतप्रधान मोदी यांच्या हस्ते रविवारी दुपारी अडीचच्या सुमारास बडोद्यात टाटा-एअरबस प्रकल्पाची पायाभरणी होईल. त्यामुळे लाखो रोजगार आणि हजारो कोटींची गुंतवणूक असलेला टाटा-एअरबस प्रकल्प गुजरातमध्येच होणार, यावर शिक्कामोर्तब झाले आहे. त्याचवेळी राज्यातील शिंदे-फडणवीस सरकार आणि महाविकास आघाडीचे नेते परस्परांवर राजकीय चिखलफेक करण्यात मश्गूल असल्याचे चित्र आहे. (PM Modi to lay foundation stone of Gujarat plant to make C-295 military planes)
टाटा एअरबस पाठोपाठ नागपूरचा हा एक हजार कोटींचा प्रकल्पही गेला, ६०० जणांचा रोजगार बुडाला
येत्या काही दिवसांमध्ये गुजरातमध्ये विधानसभा निवडणूक होऊ घातली आहे. त्यादृष्टीने आता पंतप्रधान मोदी आणि अमित शाह यांचे गुजरातमधील दौरे वाढणार आहेत. महाराष्ट्रातील प्रकल्प ज्याप्रमाणे गुजरातमध्ये जात आहेत, तसेच आता राज्यातील भाजपचे नेतेही गुजरातमध्ये जाण्याची शक्यता आहे. कारण, गुजरातमधील विधानसभा निवडणुकीसाठी महाराष्ट्रातील काही नेत्यांवर खास जबाबदारी सोपवण्यात आली आहे. हे नेते महाराष्ट्र-गुजरात सीमेवर असणाऱ्या जिल्ह्यांमध्ये जाऊन भाजपसाठी प्रचार करणार आहेत. केंद्रीय नेतृत्त्वाकडून महाराष्ट्रातील भाजपच्या नेत्यांना तशा सूचना देण्यात आलेल्या आहेत. विधानसभा निवडणुकीच्या आधीच गुजरातमध्ये तीन मोठ्या प्रकल्पांची घोषणा करण्यात आली आहे. यामध्ये वेदांता-फॉक्सकॉन, बल्क ड्रगपार्क आणि टाटा-एअरबस या प्रकल्पांचा समावेश आहे. हे तिन्ही प्रकल्प महाराष्ट्रात प्रस्तावित होते. परंतु, ऐनवेळी चक्रे फिरली आणि हे तिन्ही प्रकल्प गुजरातमध्ये गेले. त्यामुळे विरोधकांनी शिंदे-फडणवीस सरकारवर टीकेची झोड उठवली होती. मात्र, हे सर्व प्रकल्प महाविकास आघाडी सरकारच्या काळातच गुजरातमध्ये गेले होते, असे सांगत शिंदे-फडणवीस सरकारने हात झटकले आहेत.

Tata airbus: तीन महिन्यांत आपल्या मुख्यमंत्र्यांनी दुसरं काय केलंय? आदित्य ठाकरेंनी शिंदेंचा पाणउताराच केला

महाराष्ट्रातील मोठे प्रकल्प गुजरातला नेण्यासाठीच केंद्राने शिंदे-फडणवीस सरकार आणलं: सुभाष देसाई

राज्यात तीन महिन्यांपूर्वीच सत्तांतर होऊन शिंदे-फडणवीस सरकार आले. या तीन महिन्यांमध्येच महाराष्ट्रातील तीन मोठे प्रकल्प एकापाठोपाठ गुजरातला गेले. हे तिन्ही प्रकल्प एकाच राज्यात गेले, हा योगायोग म्हणायचा का? यावरुन एक शंका येते की, महाराष्ट्रातील मोठे प्रकल्प गुजरातला नेण्यासाठीच राज्यात सत्तांतर घडवून आणण्यात आले का, असा सवाल माजी उद्योगमंत्री आणि ठाकरे गटाचे नेते सुभाष देसाई यांनी उपस्थित केला होता. वेदांता-फॉक्सकॉन, बल्क ड्रग पार्क प्रकल्प आणि टाटा-एअरबस प्रकल्प गुजरातमध्ये जाण्याच्या ‘टायमिंग’कडे सुभाष देसाई यांनी लक्ष वेधण्याचा प्रयत्न केला होता.

Marathi News App: तुम्हालाही तुमच्या अवतीभवती होत असलेल्या बदलांमध्ये सहभागी व्हायचं आहे? सिटिझन रिपोर्टर अॅप डाउनलोड करा आणि रिपोर्ट्स पाठवा.

LEAVE A REPLY

Please enter your comment!
Please enter your name here