Maharashtra Politics | किशोरी पेडणेकर आणि त्यांचा मुलगा साईनाथ पेडणेकर यांच्या कंपनीने बनावट कागदपत्रे तयार केली होती. लोअर परळ येथील गोमाता जनता एसआरए गृहनिर्माण संस्था मर्यादित या एसआरए प्रकल्पात संजय अंधारी यांना गाळा मिळाला होता. तळमजला गाळा क्रमांक ४ हा संजय अंधारी यांच्या नावावर होता. एसआरएने हा गाळा संजय अंधारी यांना दिला होता. किशोरी पेडणेकर आणि साईनाथ पेडणेकर यांनी त्यांच्या कंपनीशी संबधित अॅग्रीमेंट कंपनी मंत्रालयाला दिले आहे.

 

हायलाइट्स:

  • किशोरी पेडणेकरांनी गोमाता सोसायटीमध्ये जाऊन ड्रामा केला
  • किशोरी पेडणेकरांना दादासाहेब फाळके पुरस्कार मिळायला पाहिजे
मुंबई: मुंबईच्या माजी महापौर आणि शिवसेना (ठाकरे गट) नेत्या किशोरी पेडणेकर आणि त्यांचा मुलगा साईनाथ पेडणेकर यांनी खोटी कागदपत्रे दाखवून झोपू योजनेत (एसआरए) घोटाळा केल्याचा आरोप भाजपचे नेते किरीट सोमय्या यांनी केला आहे. या सगळ्या घोटाळ्याची मुंबई पोलिसांच्या आर्थिक गुन्हे शाखेमार्फेत (EOW) चौकशी व्हावी, अशी मागणी सोमय्या यांनी गृहमंत्री देवेंद्र फडणवीस यांच्याकडे केली आहे. त्यामुळे आता फडणवीसांनी एसआरए घोटाळ्याच्या चौकशीला मान्यता दिल्यास ठाकरे गटाच्या मुंबईतील प्रमुख नेत्यांपैकी एक असलेल्या किशोरी पेडणेकर मोठ्या अडचणीत सापडण्याची शक्यता आहे.
हा गाळा माझा आहे का? संतापलेल्या किशोरी पेडणेकर टाळं घेऊनच रस्त्यावर उतरल्या
किरीट सोमय्या यांनी रविवारी मुंबईत पत्रकार परिषद घेऊन या कथित घोटाळ्याच्या चौकशीची मागणी केली. यासंदर्भात मरिनड्राईव्ह पोलिसांकडून चौकशी सुरु आहे. तर केंद्रातील कंपनी मंत्रालायने यासंदर्भात सत्र न्यायालयात तक्रार दाखल केली आहे. याशिवाय, एसआरएच्या मुख्य कार्यकारी अधिकाऱ्यांनीही याप्रकरणाची चौकशी सुरु झाली आहे. किशोरी पेडणेकर यांनी कोविड काळात केलेला भ्रष्टाचार आणि बेनामी संपत्तीची चौकशी आर्थिक गुन्हे शाखेने करायला पाहिजे. मी तशी मागणी राज्याचे मुख्यमंत्री एकनाथ शिंदे आणि उपमुख्यमंत्री आणि गृहमंत्री देवेंद्र फडणवीस यांच्याकडे केली आहे. ते ही मागणी मान्य करतील, अशी आशा असल्याचे किरीट सोमय्या यांनी म्हटले.

किरीट सोमय्या यांनी पत्रकार परिषदेत कंपनी मंत्रालय आणि माहिती अधिकारातंर्गत मिळालेली काही कागदपत्रे सादर केली. किशोरी पेडणेकर आणि त्यांचा मुलगा साईनाथ पेडणेकर यांच्या कंपनीने बनावट कागदपत्रे तयार केली होती. लोअर परळ येथील गोमाता जनता एसआरए गृहनिर्माण संस्था मर्यादित या एसआरए प्रकल्पात संजय अंधारी यांना गाळा मिळाला होता. तळमजला गाळा क्रमांक ४ हा संजय अंधारी यांच्या नावावर होता. एसआरएने हा गाळा संजय अंधारी यांना दिला होता. किशोरी पेडणेकर आणि साईनाथ पेडणेकर यांनी त्यांच्या कंपनीशी संबधित अॅग्रीमेंट कंपनी मंत्रालयाला दिले आहे. गोमाता एसआरए प्रकल्पातील गाळा क्रमांक ४ संदर्भातील हे अॅग्रीमेंट आहे. या अॅग्रीमेंटवरील संजय अंधारीचा फोटो एसआरएकडून देण्यात आलेल्या प्रमाणपत्रातील संजय अंधारीशी मिळताजुळता नाही. या दोन्ही वेगवेगळ्या व्यक्ती आहेत. मग खरा संजय महादेव अंधारी कोण हे शोधण्यासाठी आर्थिक गुन्हे शाखेने पेडणेकर यांची चौकशी केली पाहिजे. किशोरी पेडणेकर यांनी कंपनी मंत्रालयाला दिलेल्या कागदपत्रांवरील संजय अंधारी यांचा फोटो हा दुसरा तिसरा कोणाचा नसून किशोरी पेडणेकर यांच्या भावाचा म्हणजे सुनील कदम यांचा आहे. सुनील कदम यांचे कोरोना काळात निधन झाले होते. त्यानंतर पेडणेकर यांनी वृत्तपत्रात दिलेल्या जाहिरातीमधील गणेश कदम आणि कंपनी मंत्रालयाकडे सादर केलेल्या अॅग्रीमेंटवरील संजय अंधारी यांचा चेहरा सारखा आहे. किशोरी पेडणेकर यांनी आपल्या दिवंगत भावाचा फोटो वापरुन घोटाळा केला, असा आरोप किरीट सोमय्या यांनी केला.

जवळच्या शहरातील बातम्या

Marathi News App: तुम्हालाही तुमच्या अवतीभवती होत असलेल्या बदलांमध्ये सहभागी व्हायचं आहे? सिटिझन रिपोर्टर अॅप डाउनलोड करा आणि रिपोर्ट्स पाठवा.

LEAVE A REPLY

Please enter your comment!
Please enter your name here