पुणे : शहरातील अल्पवयीन मुले आणि तरुणांमधील गुन्हेगारी कृत्यांचं प्रमाण दिवसेंदिवस वाढताना दिसत आहे. भाईगिरीच्या जोरावर हप्ते वसुली आणि दमदाटी करण्याच्या घटना सातत्याने समोर येऊ लागल्या आहेत. अशातच ऐन दिवाळीच्या सणातच पुण्यातल्या येरवडा परिसरात एका मिठाई व्यावसायिकाला मिठाई फुकट मागत काही तरुणांनी हुल्लडबाजी केल्याची घटना घडली आहे.

या प्रकरणी पोलिसांनी एका आरोपीला ताब्यात घेतलं आहे. प्रेम ससाणे ( रा. येरवडा गुंजन टॉकीज) याला अटक केली असून दुसरा आरोपी फरार आहे. येरवडा पोलीस ठाण्यात हा गुन्हा दाखल करण्यात आला आहे.

खोट्या आरोपांनी पेडणेकरांच्या कुटुंबातील एकाचा बळी घेतला, सासूबाईंच्या निधनानंतर किशोरी पेडणेकर भावूक

पोलिसानी दिलेल्या माहितीनुसार, पुण्यातल्या येरवडा परिसरातील गुंजन टॉकीजजवळील सागर स्वीट मार्ट येथे दोन तरुण दुकानात गेले. त्यांनी दुकानदाराला धमकावत दिवाळीचं काय आहे की नाही, अशा शब्दांत हप्ता मागण्याचा प्रयत्न केला. दुकान मालकाने कसला हप्ता, असं विचारलं असता रोकड द्या नाही तर दुकानातील सामान फुकट द्या, अशी धमकी सदर तरुणांनी दिली.

दरम्यान, दुकान मालकाने काहीही देण्यास नकार दिल्याने एका तरुणाने हुल्लडबाजी सुरू केली. बाहेर ठेवलेले ट्रे दुकानात फेकून मारण्यात आले. हा सगळ्या प्रकार सीसीटीव्ही कॅमेऱ्यात कैद झाला असून आरोपींवर गुन्हा दाखल करण्यात आला आहे.

LEAVE A REPLY

Please enter your comment!
Please enter your name here