शायनिंग मारण्यासाठी अनेकदा नको ते धाडस केलं जातं. मात्र शायनिंग मारणं अनेकदा अंगाशी येतं. असाच एक प्रकार समोर आला आहे. एका तरुणाला फायर स्टंट करणं महागात पडला. स्टंट करताना चूक झाल्यानं तरुणाच्या दाढीनं पेट घेतला. घटनेचा व्हिडीओ इन्स्टाग्रामवर पोस्ट करण्यात आला.
तोंडातील पेट्रोल जळत्या वस्तूवर पडताच मोठी आग दिसते. त्या आगीमुळे तरुणाची दाढी पेटते. आसपासचे तरुण लगेच मदतीला पुढे येतात. त्याच्या दाढीला लागलेली आग विझवतात. घटना नेमकी कुठे घडली ते अद्याप समजू शकलेलं नाही. हा व्हिडीओ आतापर्यंत १ कोटीहून अधिक जणांनी पाहिला आहे. व्हिडीओवर अनेकांनी कमेंट्स केल्या आहेत. अनेकांनी असे स्टंट्स टाळण्याचं आवाहन केलं आहे. तर काहींनी तरुणाच्या मदतीला आलेल्यांचं कौतुक केलं आहे.
Marathi News App: तुम्हालाही तुमच्या अवतीभवती होत असलेल्या बदलांमध्ये सहभागी व्हायचं आहे? सिटिझन रिपोर्टर अॅप डाउनलोड करा आणि रिपोर्ट्स पाठवा.
