अमरावती : आमदार रवी राणा यांनी ५० खोक्यांवरून आमदार बच्चू कडूंवर ( ravi rana vs bacchu kadu ) टीका केली होती. यामुळे दोघांमधील वाद वाढला आणि आरोप-प्रत्यारोप झाले. अखेर मुख्यमंत्री शिंदे आणि उपमुख्यमंत्री देवेंद्र फडणवीस यांनी दोन्ही आमदारांच्या वादात मध्यस्थी केली. यानंतर रवी राणा यांनी आपले शब्द मागे घेतले. पण बच्चू कडू आज आपली भूमिका कार्यकर्त्यांच्या मेळाव्यात जाहीर करणार आहे. या मेळाव्यापूर्वी लागलेल्या बॅनरची आता राज्यसभर चर्चा आहे.

बच्चू कडू यांचा आक्रमक बाणा अजूनही कायम आहे. आज अमरावतीत होणाऱ्या कार्यकर्त्यांच्या मेळाव्यामध्ये बच्चू कडू आपली भूमिका स्पष्ट करणार आहेत. मुख्यमंत्री आणि उपमुख्यमंत्र्यांनी वादात मध्यस्थी करत दोन्ही नेत्यांची समजूत काढली यानंतर बच्चू कडू यांनी आपल्या पदाधिकाऱ्यांसह काल बैठक घेतली. यात कार्यकर्त्यांनी वेगवेगळ्या विचार मांडल्याने बच्चू कडू सरकारमध्ये राहणार की नाही? असा प्रश्न निर्माण झाला आहे.

bacchu kadu banner

सभेच्या ठिकाणी बच्चू कडू यांचे बॅनर


Bacchu Kadu: रवी राणांची दिलगिरी, पण बच्चू कडूंचे वेगळेच सूर!, मेळाव्यात भूमिका जाहीर

सरकारमध्ये राहायचं आणि बाहेरून पाठिंबा द्यायचा, तसंच तटस्थ राहायचं असे विचार कार्यकर्त्यांनी बैठकीत मांडले. आता या संदर्भात बच्चू कडू काय भूमिका घेणार याकडे लक्ष लागलं आहे. बच्चू कडू आज अधिकृत घोषणा करण्याची शक्यता आहे. दुसरीकडे बच्चू कडू समर्थक आक्रमक झाले आहेत. ‘मै झुकेगा नहीं’ अशा आशयाचे बॅनर अमरावतीत झळकले आहेत. सभेच्या ठिकाणीही कार्यकर्त्यांनी या बॅनरच्या माध्यमातून आपल्या भावना व्यक्त केल्या आहेत. त्यामुळे बच्चू कडू यांची काय भूमिका असणार? आहे याची सर्वांना उत्सुकता लागली आहे.

बच्चू कडूंसोबतचा वाद मी संपवतो, फडणवीसांच्या भेटीनंतर ५० खोक्यांच्या वादातून रवी

८ हजार कार्यकर्त्यांसाठी १२ क्विंटलच्या पोळ्या, ३ क्विंटल भात, १४ गंज भाजी तयार…

बच्चू कडू यांच्या सभेसाठी राज्यभरातील अंध अपंग बांधव दाखल झाले आहेत. त्यांच्या भोजनाची व्यवस्था सुद्धा करण्यात आली आहे. अमरावतीच्या टाऊन हॉल येथे सुमारे ८ हजार लोकांचे जेवण तयार करण्यात आले आहे. रात्री तीन वाजेपासून जेवण तयार करण्याचे काम सुरू करण्यात आले आहे. आता पर्यंत १२ क्विंटल पोळ्या, भात ३ क्विंटल, १४ गंज दाळभाजी अशी व्यवस्था करण्यात आली आहे.

LEAVE A REPLY

Please enter your comment!
Please enter your name here