मुंबई : मुंबई महापालिकेच्या माध्यमातून प्लास्टिकवर निर्बंध आणण्यासाठी प्लास्टिकजप्ती आणि दंडात्मक कारवाई सुरु आहे. तरीही दिवाळीच्या काळात मोठ्या प्रमाणात प्लास्टिकचा वापर होताना दिसला. भाजीबाजारातही सर्रास प्लास्टिकच्या पिशव्या ग्राहकांना दिल्या जात आहेत. १ जुलैपासून सुरु झालेल्या मोहिमेंतर्गत २८ ऑक्टोबरपर्यंत महापालिकेने प्लास्टिक वापरासाठी २९ लाख रुपयांचा दंड वसूल केला आहे. या काळात सुमारे २ हजार ९०० किलो प्लास्टिक जप्त करण्यात आले आहे.

महापालिकेने प्लास्टिक कारवाई अंतर्गत ७४ हजार ३२५ ठिकाणी भेट दिली. दिवाळीनंतर २८ ऑक्टोबर या एका दिवशी ७१२ ठिकाणी पाहणी करुन २० हजार रुपयांची दंडवसुली करण्यात आली. केवळ एका दिवसात सहा किलो प्लास्टिक जप्त करण्यात आले. तर, १ जुलैपासून २ हजार ९०६ किलो आणि ४०२ ग्रॅम प्लास्टिकजप्ती करण्यात आली.

Aryan Khan case: समीर वानखेडेंच्या तपासाची पोलखोल करणाऱ्या NCB अधिकाऱ्याची उत्तर भारतात बदली
महाराष्ट्र विघटनशील व अविघटनशील कचरा (नियंत्रण) अधिनियम २००६च्या कलम ९ अन्वये प्रतिबंधक प्लास्टिकचे उत्पादक, साठेदार, पुरवठादार, विक्रेते यांनी नियमांचे उल्लंघन केल्यास त्यांच्यावर प्रथम गुन्‍ह्यासाठी पाच हजार रुपये दंड आकारला जात आहे. दुसऱ्या गुन्‍ह्यासाठी १० हजार रुपये आणि त्यानंतरच्या गुन्‍ह्यासाठी तीन महिन्यांपर्यंत तुरुंगवास आणि २५ हजार रुपयांपर्यंत दंड वसूल केला जात आहे.

जनजागृती मोहीम आवश्यक

प्रत्येक विभागामध्ये किती प्लास्टिक जप्त केले, किती दंडात्मक कारवाई झाली हे त्या-त्या विभाग कार्यालयामध्ये लोकांना नजरेस पडेल अशा पद्धतीने फलकावर दिसले पाहिजे, असा पर्याय त्यांनी सुचवला. कोणता प्रभाग प्लास्टिक कारवाईच्या बाबतीत किती सक्रीय आहे हेही यामुळे लोकांसमोर येईल. बाजारामध्ये या पातळ प्लास्टिकच्या पिशव्यांचे खुलेआम वाटप करणारा स्रोत आहे. या मुख्य स्रोतावर कारवाई होताना दिसत नाही त्यामुळे याची वारंवारताही कमी होत नाही. विभाग कार्यालयामध्ये पूर्वी प्लास्टिकबंदी नसताना प्लास्टिकच्या पिशव्या घेऊन येणाऱ्यांना थांबवले जायचे. मात्र, आता विभाग कार्यालयातही ही कारवाई होत नाही, याकडेही प्लास्टिकविरोधी मोहिमेतील कार्यकर्ते सुभाष राणे यांनी लक्ष वेधले. बाजारात, इमारतींमध्ये कचरा व्यवस्थापनाप्रमाणेच प्लास्टिक वापराविरोधात जनजागृती मोहीम राबवली गेली तर लोकांकडूनही याला अधिक प्रतिसाद मिळू शकतो, असेही आवाहन त्यांनी केले.

महापालिका गंभीर आहे का?

बाजारामध्ये प्लास्टिकच्या अत्यंत पातळ पिशव्या सहजपणे दिसतात. त्यामुळे महापालिका खरोखरच कारवाईच्या बाबतीत गंभीर आहे का, असा प्रश्न नागरिकांकडून उपस्थित केला जात आहे. नागरिकांनी तक्रार केल्यानंतर एखाद्या फेरीवाल्यावर कारवाई होते. मात्र, त्या व्यतिरिक्त नागरिक आणि फेरीवाल्यांवर प्लास्टिक वापरासंदर्भात वचक निर्माण होईल अशी कारवाई होताना दिसत नाही, असे मत प्लास्टिकविरोधी मोहिमेतील कार्यकर्ते सुभाष राणे यांनी व्यक्त केले.

कोकणवासीयांसाठी आनंदाची बातमी; कोकण रेल्वेचा वेग वाढणार, आजपासून नियमित वेळापत्रक

LEAVE A REPLY

Please enter your comment!
Please enter your name here