सिंग इज किंग… अर्शदीप सिंगने सामना फिरवला, भारतीय संघ हरता हरता सामना जिंकला…
सर्व खेळाडू मैदानाबाहेर होते. भारतीय संघ डकवर्थ लुईसनुसार पिछाडीवर होता. त्यामुळे भारतीय चाहते पाऊस थांबावा यासाठी प्रार्थना करत होते. अखेर ४५ मिनिटांनी खेळ सुरू झाला. सामना २० षटकांऐवजी १६ षटकांचा करण्यात आला. बांग्लादेशसमोरचं आव्हान १८५ वरुन १५१ धावांवर आलं. ७ षटकांत बिनबाद ६६ अशी धमाकेदार सुरुवात करणाऱ्या बांग्लादेशला पुढच्या ९ षटकांत ८५ धावांची गरज होती.
बांग्लादेश सामना जिंकणार असं वाटत असताना ८ व्या षटकात बाद झाला. पावसानंतर सामना सुरू झाल्यानंतर दुसऱ्याच चेंडूंवर दास धावबाद झाला. राहुलच्या अचूक थ्रोनं दासला बाद केलं. इथून सामना फिरण्यास सुरुवात झाली. पावसामुळे बांग्लादेशची लय बिघडली. ४५ मिनिटांचा ब्रेक बांग्लादेशसाठी अडथळा ठरला आणि इथूनच सामना फिरला.
अंपायरला भिडणाऱ्या शाकिबला विराटने रोखलं, नो-बॉलवर पाहा काय गोंधळ झाला Video
दास बाद झाल्यानंतर सलामीवीर शांतोनं काही चांगले फटके लगावले. मात्र १० व्या षटकात तो बाद झाला. यानंतर ठराविक अंतरानं बांग्लादेशचे फलंदाज बाद होत राहिले आणि १३ व्या षटकात बांग्लादेशची अवस्था ६ बाद १०८ अशी झाली. यानंतरही नुरुल हसन आणि टस्कीन अहमदनं फटकेबाजी करत बांग्लादेशचं आव्हान कायम राखण्याचा प्रयत्न केला. मात्र त्यांचा प्रयत्न तोकडा पडला. बांग्लादेशचा संघ ५ धावांनी पराभूत झाला.
