sangali news today, संभाजी भिडेंना शिष्याकडूनच जोरदार टक्कर; युवा शिवप्रतिष्ठानकडून नव्या मोहिमेची घोषणा – nitin chowghule shiv pratishthan yuva hindusthan announced a new campaign challenging sambhaji bhide

सांगली : शिवप्रतिष्ठान हिंदुस्थानचे संस्थापक संभाजी भिडे यांना आता त्यांचे एकेकाळचे शिष्य असलेल्या नितीन चौघुलेंकडून जोरदार आव्हान दिलं जाणार आहे. चौघुले यांच्या नेतृत्वाखालील शिवप्रतिष्ठान युवा हिंदुस्थान या संस्थेने भिडेंच्या शिवप्रतिष्ठानच्या गडकोट मोहिमेप्रमाणे एक नवी मोहीम हाती घेतली आहे. शिवप्रतिष्ठान युवा हिंदुस्थानकडून राज्याचा बाहेर गडकोट मोहीम आयोजित करण्यात आली आहे. भिडे यांच्या गडकोट मोहिमेला टक्कर देण्यासाठी नितीन चौघुले यांनी थेट पानिपत मोहीम आयोजित केली आहे.

‘जानेवारी महिन्यात मकरसंक्रांतीच्या मुहूर्तावर पानिपत मोहीम सुरू करण्यात येणार आहे. १४ जानेवारी २०२३ रोजी ही मोहिम सुरू होईल. छत्रपती शिवाजी महाराज आणि छत्रपती संभाजी महाराज यांचा इतिहास तरुण पिढीला सांगण्यासाठी व दाखवण्यासाठी पानिपत मोहीमचे आयोजन केलं गेलं आहे. महाराष्ट्रातील अठरा पगड जातीमधील मराठ्यांच्या पराक्रमाच्या खुणा देशात अनेक ठिकाणी आहेत. एका दृष्टीने ती सर्व प्रेरणास्थाने आहेत. मराठ्यांनी गाजवलेल्या एका स्थळाला भेट देऊन तेथून प्रेरणा घेण्यासाठी मोहिम काढण्यात येणार आहे,’ अशी माहिती नितीन चौघुले यांनी दिली आहे.

चुकीला माफी नाही! राज ठाकरेंच्या आदेशाने नगरच्या दोन पदाधिकाऱ्यांची पक्षातून हकालपट्टी

दरम्यान, या मोहिमेत प्रामुख्याने आग्रा, झाशी, जिंजी, अटक, पश्चिम बंगाल यासह अन्य स्थळांचा समावेश असल्याचं शिवप्रतिष्ठान युवा हिंदुस्थानचे अध्यक्ष नितीन चौगुले यांनी सांगितलं आहे.