Maharashtra Politics | सरकारने राजकारण बाजूला ठेवून गुणवत्तेच्या आधारे निर्णय घेतले पाहिजेत. माझ्या मते, अनेक राजकीय नेत्यांना इतक्या उच्च दर्जाच्या सुरक्षेची काहीच गरज नाही. ही सुरक्षाव्यवस्था केवळ स्टेटस सिम्बॉलचा भाग झाली आहे. राज्य गुप्तचर यंत्रणेने या नेत्यांना असलेल्या धोक्याची श्वेतपत्रिका जाहीर केली पाहिजे, अशी भूमिका माजी गृहसचिवांनी घेतली. राहुल नार्वेकर ट्रॅफिक क्लिअरन्स व्हेईकलसाठी आग्रही.

 

Traffic clearance vehicle
ट्रॅफिक क्लिअरन्स व्हेईकल

हायलाइट्स:

  • नेत्यांच्या सुरक्षेव्यवस्थेवरुन नवा वाद
  • मला जलद प्रवास करण्यासाठी ट्रॅफिक क्लिअरन्स व्हेईकलची गरज आहे
मुंबई: राज्य गुप्तचर विभागाच्या अहवालानुसार शिंदे-फडणवीस सरकारने महाविकास आघाडीतील अनेक नेत्यांची सुरक्षा काढून घेतली आहे. तर दुसऱ्या बाजूला भाजप आणि शिंदे गटाशी संबंधित नेत्यांना खास सुरक्षाव्यवस्था पुरवण्यात आली आहे. यामध्ये गृहमंत्री देवेंद्र फडणवीस यांच्या पत्नी अमृता फडणवीस यांना वाय प्लस दर्जाची सुरक्षाव्यवस्था देण्याचा निर्णय घेण्यात आला होता. तसेच त्यांना ट्रॅफिक क्लिअरन्स व्हेईकलही देण्यात आली होती. परंतु, अमृता फडणवीस यांनी आपल्याला ट्रॅफिक क्लिअरन्स व्हेईकलची गरज नसल्याचे सांगत ही सुविधा नाकारली होती. मात्र, आता याच मुद्द्यावरुन विधानसभा अध्यक्ष राहुल नार्वेकर यांनी ठाम भूमिका घेतली आहे.

मला पुरवण्यात आलेली ट्रॅफिक क्लिअरन्स व्हेईकल ही ग्रीन बुकमध्ये नमूद केलेल्या नियमानुसार आहे. माझ्या मते, ट्रॅफिक क्लिअरन्स व्हेईकल मिळणे ही माझी गरज आणि हक्क आहे. माझे अनेक पूर्वसुरी हे ग्रामीण भागातील होते, ते बहुतांश प्रमाणात विधिमंडळ अधिवेशनासाठीच मुंबईत यायचे. मात्र, मी मुंबईतच वास्तव्याला आहे. मी लोकांशी संवाद साधण्यासाठी मुंबईतील अनेक भागांमध्ये फिरत असतो. त्यामुळे मला जलद प्रवास करण्यासाठी ट्रॅफिक क्लिअरन्स व्हेईकलची गरज आहे, असे राहुल नार्वेकर यांनी सांगितले.

मात्र, माजी गृह सचिवांनी सुरक्षाव्यवस्थेबाबतच्या शिंदे-फडणवीस सरकारच्या कार्यपद्धतीविषयी नाराजी व्यक्त केली आहे. मुख्यमंत्री एकनाथ शिंदे आणि उपमुख्यमंत्री देवेंद्र फडणवीस यांनी आता खरोखरच नव्याने सुरक्षाव्यवस्थेचा आढावा घेण्याची वेळ आली आहे. सरकारने राजकारण बाजूला ठेवून गुणवत्तेच्या आधारे निर्णय घेतले पाहिजेत. माझ्या मते, अनेक राजकीय नेत्यांना इतक्या उच्च दर्जाच्या सुरक्षेची काहीच गरज नाही. ही सुरक्षाव्यवस्था केवळ स्टेटस सिम्बॉलचा भाग झाली आहे. राज्य गुप्तचर यंत्रणेने या नेत्यांना असलेल्या धोक्याची श्वेतपत्रिका जाहीर केली पाहिजे, अशी भूमिका माजी गृहसचिवांनी घेतली. त्यामुळे आता या मुद्द्यावरुन वाद निर्माण होण्याची शक्यता आहे.

वरिष्ठ पोलीस अधिकारी नाराज

शिंदे-फडणवीस सरकारकडून नव्याने राजकीय नेत्यांना पुरवण्यात आलेल्या सुरक्षाव्यवस्था आणि ट्रॅफिक क्लिअरन्स वाहनाबाबत एका वरिष्ठ आयपीएस अधिकाऱ्याने नाराजी व्यक्त केली आहे. ट्रॅफिक क्लिअरन्स वाहन हे संबंधित नेत्याला किंवा व्यक्तीला असलेला धोका लक्षात घेऊन पुरवले जाते. ही सुविधा तात्पुरत्या स्वरुपाची असते. संबंधित व्यक्तीचा प्रवास निर्धोक व्हावा, यासाठी ट्रॅफिक क्लिअरन्स वाहनाचा वापर केला जातो. ही सुविधा कोणाला द्यायची याचा निर्णय पोलीस आयुक्त किंवा पोलीस महासंचालकांकडून घेतला जातो.
अमृता फडणवीसांचं स्टेटस वाढलं! गाड्यांचा ताफा जाताना आता रस्ताही मोकळा होणार
सुरक्षाव्यवस्थेबाबतचे नियम आणि प्रोटोकॉल हे ब्ल्यू आणि ग्रीन बुकनुसार निश्चित होतात. ब्लू बुकमध्ये राष्ट्रपती, उपराष्ट्रपती, पंतप्रधान, केंद्र आणि राज्यातील मान्यवरांच्या प्रोटोकॉल असतात. तर ग्रीन बुकमध्ये सुरक्षाव्यवस्थेबाबत नियम असतात. ब्लू आणि ग्रीन बुकमध्ये नमूद केलेल्या नियमांचे पालन करणे आम्हाला बंधनकारक आहे, असे या वरिष्ठ पोलीस अधिकाऱ्याने सांगितले.
मविआ नेत्यांची सुरक्षा हटवली, नार्वेकरांची सिक्युरिटी मात्र टाईट, शिंदे-फडणवीसांचा इरादा काय?

अमृता फडणवीसांनी ट्रॅफिक क्लिअरन्स वाहन नाकारले

मी सामान्य मुंबईकर आहे आणि मला तसंच जगायची इच्छा आहे. मी मुंबई पोलिसांना विनम्रपणे सांगू इच्छिते, की ट्राफिक क्लिअरन्स पायलट वाहन मला देऊ नये. मुंबईतील वाहतुकीची स्थिती आधीच क्लेशदायी आहे. पण मुख्यमंत्री एकनाथ शिंदे आणि उपमुख्यमंत्री देवेंद्र फडणवीस यांच्या नेतृत्वात सुरु असलेल्या पायाभूत आणि विकास प्रकल्पांमुळे आपली त्यातून लवकरच सुटका होईल, याची मला खात्री आहे, अशा आशयाचे ट्वीट अमृता फडणवीस यांनी केलं आहे.

जवळच्या शहरातील बातम्या

Marathi News App: तुम्हालाही तुमच्या अवतीभवती होत असलेल्या बदलांमध्ये सहभागी व्हायचं आहे? सिटिझन रिपोर्टर अॅप डाउनलोड करा आणि रिपोर्ट्स पाठवा.

LEAVE A REPLY

Please enter your comment!
Please enter your name here