जळगाव जिल्हा प्रशासनाला गुरुवारी सायंकाळी प्राप्त झालेल्या तपासणी अहवालांमध्ये ३१६ नवे करोना बाधित रुग्ण समोर आलेत. त्यात सर्वाधिक ७८ रुग्ण हे जिल्ह्यातील मुख्य हॉटस्पॉट असलेल्या जळगाव शहरात आढळले आहेत. जळगाव पाठोपाठ मध्ये ४४ रुग्ण आढळले आहेत. जळगाव ग्रामीण १९, १५, ७, मुक्ताईनगर १६, भडगाव १, धरणगाव १४, यावल ४, एरंडोल २६, जामनेर १६, रावेर २०, पारोळा ३, चाळीसगाव १५ , पाचोरा ६ तर बोदवड येथे १ नवा रुग्ण आढळला आहे.
वाचा:
जिल्ह्यात आतापर्यंत ६ हजार ९७० बाधित रुग्ण आढळले आहेत. समाधानाची बाब म्हणजे, त्यातील ४ हजार २३५ रुग्णांनी करोनावर यशस्वीपणे मात केली आहे. गुरुवारी २२७ जणांना करोनातून बरे झाल्याने डिस्चार्ज मिळाला. सद्यस्थितीत २०४ रुग्णांची प्रकृती चिंताजनक आहे.
आज ६ जणांचा मृत्यू
जिल्ह्यात आतापर्यंत ३५८ जणांचा कोरोनामुळे मृत्यू झाला आहे. आज बुधवारी ६ रुग्णांचा मृत्यू झाला आहे. त्यात जळगाव शहरातील ७२ वर्षीय पुरुष, जळगाव तालुक्यातील ६० वर्षीय पुरुष, जामनेर तालुक्यातील ७५ वर्षीय पुरुष व ४७ वर्षीय महिला, भडगाव तालुक्यातील ५५ वर्षीय महिला व अमळनेर तालुक्यातील ७१वर्षीय पुरुषाचा मृत्यू झाला आहे.
वाचा:
९२ वर्षीय आजोबांची करोनावर मात
जळगावात एकीकडे करोना संसर्गाचा वेग कायम असताना जिल्ह्यातील करोनामुक्त होणाऱ्यांचे प्रमाण देखील ६१ टक्क्यांच्या वर गेले आहे. करोना संसर्ग वाढीच्या काळात जळगाव जिल्ह्यावासियांसाठी एक मोठी दिलासादायक बातमी आहे. यावल तालुक्यातील डांभूर्णी येथील ९२ वर्षीय आजोबांनी अवघ्या आठ दिवसांत करोनावर यशस्वी मात केली आहे. त्यांना आज डॉ. उल्हास पाटील कोविड रुग्णालय येथून टाळ्यांच्या कडकडाटात डिस्चार्ज देण्यात आला आहे. यावल तालुक्यातील डांभूर्णी येथील ९२ वर्षीय अमृत पवार या वृद्ध नागरिकास करोनाची लागण झाली होती. या आजोबांना श्वास घ्यायला त्रास होत होता तसेच त्यांना कफ झाला होता आणि अशक्तपणाही जाणवत होता. त्यामुळे त्यांना ८ जुलै रोजी डॉ. उल्हास पाटील कोविड रुग्णालयात उपचारासाठी दाखल करण्यात आले होते.
वाचा:
Marathi News: मराठी बातम्या, Latest News in Marathi, Breaking Marathi News, Marathi News Paper | Maharashtra Times
