रुग्ण वाऱ्यावर; व्ही.एन.देसाई रुग्णालयातील डॉक्टरांचा खासगी सेवेसाठी पळ
शिवसेना (उद्धव बाळासाहेब ठाकरे) आमदार अजय चौधरी, माजी नगरसेवक अनिल कोकीळ यांनी अनेक वेळा बैठका घेऊन इमारतीची दुरुस्ती तातडीने करण्याची मागणी केली आहे. या पार्श्वभूमीवर आवश्यक दुरुस्तीचे कामही सुरु असल्याचे पालिका प्रशासनाकडून सांगण्यात आले. मात्र, स्लॅब कोसळण्याच्या घटना वारंवार घडत असल्याने प्रशासन तातडीने संपूर्ण इमारतीची दुरुस्ती का करीत नाही, असा सवाल कोकीळ यांनी केला आहे. या दुर्घटनेनंतर त्यांनी घटनास्थळी जाऊन अधिकाऱ्यांसोबत पाहणी केली. धोकादायक ठिकाणच्या विद्यार्थिनींची व्यवस्था तातडीने सुरक्षित ठिकाणी करण्याच्या सूचना कोकीळ यांनी यावेळी प्रशासनाला दिल्या.
‘स्ट्रक्चरल ऑडिट’नुसार दुरुस्ती
वसतिगृह इमारतीचे ‘स्ट्रक्चरल ऑडिट’ करण्यात आले असून इमारत ‘सी-२’ श्रेणीत असल्याचा अहवाल देण्यात आला आहे. यानुसार संपूर्ण इमारत रिकामी न करता ‘मोठ्या’ दुरुस्तीचे काम सुरू आहे. गुरुवारच्या दुर्घटनेमुळे आवश्यक त्या ठिकाणी तातडीने दुरुस्तीचे काम करण्यात येईल, अशी माहिती रुग्णालयाचे प्रभारी अधिष्ठाता डॉ. पाठक यांनी दिली, तर टप्प्याटप्प्याने आणि स्ट्रक्चरल ऑडिटनुसार आवश्यक दुरुस्ती करण्यात येणार असल्याचे ते म्हणाले.
IND v ZIM : पाकिस्तानच्या अभिनेत्रीची झिम्बाब्वेला खुली ऑफर, म्हणाली ‘भारताला हरवा आणि….’
