india’s services sector, भारतीय सेवा क्षेत्र सुसाट… सलग पाचव्या महिन्यात रोजगारात वाढ, अर्थव्यवस्थेत मजबूतीची चिन्हे – india’s services sector recovers growth in october

नवी दिल्ली: भारतातील मजबूत मागणी, रोजगार क्रियाकलापांमध्ये झालेली वाढ आणि नवीन व्यवसायातील नफा यामुळे ऑक्टोबरमध्ये भारतातील सेवा क्षेत्राच्या व्यवहारांनी वेग घेतला आहे. हंगामी-समायोजित S&P ग्लोबल इंडिया सर्व्हिसेस पीएमआय बिझनेस अॅक्टिव्हिटी इंडेक्स (PMI index India) सप्टेंबरमध्ये ५४.३ पर्यंत घसरला होता. जो सहा महिन्यांचा नीचांक आहे. तो आता ऑक्टोबरमध्ये ते ५५.१ पर्यंत वाढला आहे. हा आकडा सेवा क्षेत्राचा वाढीचा वेग दर्शवतो.

शेअर बाजार इम्पॅक्ट; जगातील अब्जाधीशांनी एका दिवसात ३३ अब्ज डॉलर गमावले, एलन मस्कना कोटींचा घाटा
सेवा क्षेत्रामध्ये सलग १५व्या महिन्यात वाढ
ऑक्टोबरमध्ये सलग १५व्या महिन्यात सेवा क्षेत्राच्या क्रियाकलापांमध्ये वाढ झाली आहे. पर्चेसिंग मॅनेजर्स इंडेक्सच्या (PMI) मते, ५० पेक्षा जास्त स्कोअर म्हणजे विस्तार, तर ५० पेक्षा कमी स्कोअर आकुंचन होय. S&P ग्लोबल मार्केट इंटेलिजेंसचे संयुक्त संचालक पॉलियाना डी लिमा यांनी सांगितले की, ऑक्टोबरच्या निकालांनी भारतातील सेवा प्रदात्यांना किंमती वाढल्यानंतही नवीन काम मिळण्यात कोणतीही अडचण आली नाही.

PM Modi Maharashtra: महाराष्ट्रातील प्रकल्प आणि रोजगारांविषयी पंतप्रधान मोदींची मोठी घोषणा, म्हणाले…
रोजगार निर्मितीत वाढ
लिमा म्हणाले की मजबूत मागणी आणि व्यावसायिक क्रियाकलापांच्या पूर्ततेसाठी अधिक लोकांना नोकरीवर ठेवण्यात आले. नवीन व्यवसायांची सतत वाढ आणि सेवा अर्थव्यवस्थेतील उत्पादन गरजांमुळे रोजगार निर्मितीला मदत झाली आहे.

सौरऊर्जेतून रोजगार निर्माण केलेल्या महिलेचे पंतप्रधानांकडून कौतुक
सलग पाचव्या महिन्यात रोजगार वाढ
निर्देशांकानुसार, सलग पाचव्या महिन्यात रोजगार वाढला आहे आणि तीन वर्षात दुसऱ्यांदा इतका वेग आला आहे. ऑक्टोबरमध्ये सकारात्मक वाढीच्या अंदाजामुळे रोजगार निर्मितीलाही चालना मिळाली. सर्वेक्षण केलेल्या सदस्यांपैकी ३० टक्के सदस्यांनी ऑक्टोबर २०२३ पर्यंत व्यावसायिक क्रियाकलापांमध्ये उच्च वाढ होण्याची शक्यता वर्तवली आहे.