नवी दिल्ली : गेल्या काही वर्षांतील आर्थिक संकट आणि संसर्गामुळे अनेकांच्या नोकऱ्या गेल्या आणि त्यांना बेरोजगारीला सामोरे जावे लागले. यापूर्वी २००८ मध्ये अमेरिकेत आलेली मंदी आणि २०२० मधील करोनामुळे जगभरातील नोकरदार लोकांना पुन्हा एकदा अशाच संकटाला सामोरे जावे लागले. आता पुन्हा एकदा मंदीची भीती गडद होऊ लागली असून जगातील अनेक मोठ्या कंपन्या टाळेबंदीच्या तयारीत आहेत. अशा परिस्थितीला तोंड देण्यासाठी नोकरी विम्याची उपयुक्तता वाढते कारण, यामध्ये नोकरी गमावण्याचा संभाव्य धोका भरून काढला जातो.

‘आयटी’ क्षेत्रात मंदीचे संकट; भारतीय टेक कंपनीने जगभरात केली कर्मचाऱ्यांची मोठी कपात
जीवन आणि आरोग्य विम्याप्रमाणेच नोकरी विम्याची संकल्पना आहे. मात्र, भारतात नोकरी विम्याशी संबंधित कोणतीही स्वतंत्र पॉलिसी नाही. हे रायडर म्हणजे मुदत आणि इतर विमा उत्पादनांसह अतिरिक्त लाभ म्हणून जोडले जाऊ शकते. पॉलिसीमध्ये दिलेल्या कोणत्याही कारणामुळे जर व्यक्तीची नोकरी गेली, तर अशा परिस्थितीत पॉलिसीधारकाला आर्थिक सुरक्षा दिली जाईल.

Twitter Layoff: ट्विटर कर्मचाऱ्यांची चिंता वाढली, Elon Musk यांचा एक ई-मेल आला आणि…
पगार संरक्षण विमा कसा मिळवायचा?
भारतात नोकरीच्या विम्याबाबत कोणतेही स्वतंत्र धोरण नाही. म्हणून तुम्ही तुमच्या इतर विमा पॉलिसीसह एक ॲड ऑन कव्हर म्हणून हा विमा घेऊ शकतात. साधारणपणे तुम्ही ते आरोग्य किंवा गृह विमा पॉलिसीसह घेऊ शकता. तर टर्म इन्शुरन्समध्येही या प्रकारचे कव्हर मिळू शकते. मात्र, प्रत्येक विमा कंपनीच्या याबाबत वेगवेगळ्या अटी असतात.

जगाची मंदीकडे वाटचाल; आता मायक्रोसॉफ्टमधून १ हजार कर्मचाऱ्यांना डच्चू
नोकरी गमावल्यावर तुम्हाला काय मिळणार?

  • पगार विमा विम्यामध्ये पॉलिसीच्या अटींनुसार नोकरी गमावल्यावर विमाधारकाला आर्थिक सुरक्षा प्रदान केली जाते आणि त्यासाठी तुम्हाला एका विनिर्दिष्ट कालावधीसाठी पैसे दिले जातात.
  • याचा फायदा म्हणजे या कठीण परिस्थितीत तुम्हाला आर्थिक अडचणीचा सामना करावा लागणार नाही आणि काही दिवसात नवीन नोकरी मिळवून या कठीण काळातून बाहेर पडू शकता.
  • नोकरी गमावण्याच्या विमा संरक्षणाबाबत प्रत्येक विमा कंपनीच्या स्वतःच्या अटी आणि शर्ती असतात. या विम्यामध्ये नोकरीवरून तात्पुरते निलंबित केले तरीही तुम्हाला आर्थिक सुरक्षा मिळेल.
  • फसवणूक, भ्रष्टाचार किंवा इतर गैरकृत्ये आणि आरोपांमुळे नोकरी गेली तर कोणताही फायदा होणार नाही हे लक्षात ठेवा. या व्यतिरिक्त, प्रोबेशन कालावधीत नोकरी गमावण्याचे विमा संरक्षण दिले जात नाही.
  • याशिवाय, हे विमा संरक्षण तात्पुरते किंवा कराराखाली काम करणाऱ्या लोकांना दिले जात नाही.

दावा कसा करावा?
कोणत्याही कारणामुळे नोकरी गमावल्यास विमाधारकास विमा कंपनीला कळवावे लागेल आणि आवश्यक कागदपत्रे सादर करावी लागतील. पडताळणी पूर्ण झाल्यानंतर विमा कंपनी दावा मान्य करते. लक्षात ठेवा की खर्च आयुष्यभर राहतात पण उत्पन्न नियमित असेल याची शाश्वती नसते. गृहकर्ज ईएमआय, मुलांच्या शाळेची फी, वाहन कर्ज आणि इतर खर्चासाठी काम किंवा नोकरी असणे आवश्यक आहे. जर दुर्दैवाने नोकरी गेली, तर हे खर्च आर्थिक भार वाढवतात, अशा परिस्थितीत नोकरी गमावण्याच्या विमा संरक्षणामुळे मोठा दिलासा मिळतो.

LEAVE A REPLY

Please enter your comment!
Please enter your name here