Sushma Andhare : ठाकरे गटाला धक्का, मुक्ताईनगरातील सुषमा अंधारेंच्या सभेवर बंदी; पोलिसांनी स्टेजही हटवले
बाळासाहेबांची शिवसेना ही बाळासाहेबांच्या विचारांनुसार चालते. आम्ही त्यांच्या विचारांचे उत्तराधिकारी आहोत. बाळासाहेबांच्या महत्त्वाकांक्षा पंतप्रधान मोदी पूर्ण करत आहेत. मला एक दिवस पंतप्रधान करा. मी काश्मीरमधून कलम ३७० हटवेन. अयोध्येत राम मंदिराची उभारणी करेन, असं बाळासाहेब म्हणाले होते. मोदींच्या नेतृत्त्वाखालील सरकारनं या दोन्ही गोष्टी केल्याचं म्हणत शिंदेंनी केंद्र सरकारचं कौतुक केलं.
मी एकदा कमिटमेंट दिली की मागे हटत नाही. एका चित्रपटात हा डायलॉग आहे. आम्ही आमच्या कमिटमेंटपासून मागे हटणार नाही. त्यासाठी कोणतंही पाऊल उचलावं लागलं तरी चालेल. आम्ही बाळासाहेबांचे विचार घेऊन पुढे जात आहोत. ज्यांना सोबत यायचं आहे ते येऊ शकतात, असं शिंदे म्हणाले. आम्हीच खरी शिवसेना आहोत. कारण आम्ही त्यांचे विचार पुढे घेऊन जात आहोत, याचाही पुनरुच्चार त्यांनी केला.
Tejasvi Surya: आदित्य ठाकरेंच्या वरळीत भाजपच्या तरुण तडफदार खासदाराची एन्ट्री, युवा योद्धा शाखेचा शुभारंभ
२०२४ च्या विधानसभा निवडणुकीत मुख्यमंत्रिपदाचा चेहरा कोण असणार, असा प्रश्न एकनाथ शिंदेंना विचारण्यात आला. त्यावर थेट आणि नेमकं उत्तर देणं शिंदेंनी टाळलं. पंतप्रधान नरेंद्र मोदींचा करिश्मा सगळ्यांना पाहिला आहे. मी एक लहान कार्यकर्ता आहे. आता मला संधी मिळाली आहे. त्याचा वापर करेन. जनतेच्या विकासासाठी काम करेन. शेतकऱ्यांला लाभ मिळेन यासाठी प्रयत्न करेन, असं उत्तर शिंदेंनी दिलं.
मी दुसऱ्यांदा मुख्यमंत्री होणार की नाही ते राज्यातील जनता ठरवेल. चांगलं काम करणं माझ्या हातात आहे. मात्र मुख्यमंत्री कोणाला करायचं ते जनता ठरवेल, असं मोघम उत्तर त्यांनी दिलं. मुख्यमंत्रिपदाचा चेहरा कोण असणार यावर नेमकं उत्तर शिंदेंनी दिलं नाही.
