india can out of t 20 world cup because one thing, … तर भारताचा खेळ खल्लास, झिम्बाब्वेविरुद्ध पाऊस पडला तरी चालेल पण ही एक गोष्ट घात करणार – if this one thing happens india’s game will be over in t 20 world cup against zimbabwe

टी-२० विश्वचषकातील समीकरण बदलत आहे. भारतीय संघ सध्या त्यांच्या गटात ६ गुणांसह अव्वल स्थानावर असून रविवारी होणारा हा सामना भारतीय संघाच्या उपांत्य फेरीतील सामन्याचे भवितव्य ठरवेल. सध्यस्थितीत नेट रनरेटच्या बाबतीत पाकिस्तान आणि दक्षिण आफ्रिका हे दोन्ही संघ भारताच्या पुढे आहेत. पण जर पाऊस पडला तर भारत आणि झिम्बाब्वे या दोन्ही संघांना प्रत्येकी १ गुण मिळेल. सध्याच्या घडीला भारताचे सहा गुण आहेत आणि त्यांना एक गुण मिळाला तर त्यांचे सात गुण होतील. पण त्यामुळे पाकिस्तान या स्पर्धेतून बाहेर होऊ शकतो. कारण पाकिस्तानने त्यांचा अखेरचा सामना जिंकला तरीही त्यांचे सहा गुण होतील आणि त्यांच्यापेक्षा जास्त भारताचे असतील. त्यामुळे पाऊस हा भारताच्या पथ्यावर पडू शकतो.

भारताला या सामन्यात पाऊस पडला तरी चालेल, पण एक गोष्ट जर घडली तर त्यांचे आव्हान संपुष्टात येणार आहे आणि ती गोष्ट म्हणजे पराभव. जर भारताचा या सामन्यात पराभव झाला तर त्यांचे सहाच गुण राहतील आणि त्यांना रनरेट तर कमीच आहे. या परिस्थितीत जर पाकिस्तान आणि दक्षिण आफ्रिका यांनी जर आपले अखेरचे सामने जिंकले तर ते सेमी फायनलमध्ये पोहोचू शकतात व भारताचे आव्हान संपुष्टात येऊ शकते. त्यामुळे आता भारताचे आव्हान या विश्वचषकात टिकणार की नाही ही गोष्ट झिम्बाब्वेच्या सामन्यार अवलंबून असेल. त्यामुळे हा सामना भारताने जिंकला तर या सर्व गोष्टीचा विचारच टीम इंडियाच्या चाहत्यांना करावा लागणार नाही. त्यामुळे झिम्बाब्वेवर भारताने विजय साकारला तर ते सहजपणे सेमी फायनलमध्ये पोहोचू शकतात.