Crime Batmya Today news, Video : शस्त्रक्रिया झाल्यावरही तरुणी बेशुद्ध, माहिती देण्यासाठी डॉक्टर उपलब्ध नसल्याने नातेवाईकांनी पाहा काय केलं – even after the surgery relatives ransacked hospital the doctor was not available to inform the young woman unconscious

औरंगाबाद : तरुणीवर शास्त्रक्रिया केल्यानंतर माहिती देण्यासाठी रुग्णालयात डॉक्टर उपलब्ध न झाल्याने संतप्त नातेवाईकांनी रुग्णालयात राडा घातला. रुग्णालयाची तोडफोड करत मोठे नुकसान केल्याची धक्कादायक घटना शहरातील सिडको भगात मध्यरात्री बारा ते एक वाजेच्या सुमारास घडली. वेळीच पोलिसांनी धाव घेत परिस्थिती नियंत्रणात आणली.

मिळालेल्या माहितीनुसार, एका २० वर्षीय तरुणीचे पोट दुखत असल्याने तिला एम.जी.एम.रुग्णालयासमोर असलेल्या इंटरनॅशनल हॉस्पिटलमध्ये दाखल करण्यात आले होते. तेथे डॉक्टरांनी तरुणीवर शस्त्रक्रिया केली आणि सिटिस्कॅनसह विविध तपसण्या सुरु होत्या. मात्र, बराच वेळ उलटल्यावर देखील तरुणी शुद्धीवर आली नाही. त्यामुळे नातेवाईकांनां शंका आल्याने नातेवाईकांनी वैधकीय कर्मचाऱ्यांना विचारपूस सुरु केली. मात्र, उपस्थित कर्मचाऱ्यांकडून समाधानकारक उत्तर न मिळाल्याने नातेवाईक संतप्त झाले होते.

Breaking : मुंबईहून नाशिक रोडला आलेल्या शालिमार एक्सप्रेसच्या बोगीला आग; थरारक Video
नातेवाईकांनी रुग्णालयात आरडा-ओरड करत गोंधळ सुरु केला. रुग्णाल्यात रात्री संबंधित डॉक्टर न भेटल्याने नातेवाईक अधिकच आक्रमक झाले. त्यांनी थेट रुग्णालयातील काचा फोडण्यास सुरु केल्या, यामुळे रुग्णालयात एकच गोंधळ उडाला होता. कर्मचाऱ्यांनी याबाबत पोलिसांना माहिती दिली त्यानंतर पोलिसांनी घटनास्थळी धाव घेत परिस्थिती नियंत्रणात आणली. मात्र, या तोडफोडीमध्ये रुग्णालयाचे मोठे नुकसान झाले आहे.

धोनीचे उत्तर ऐकून मंदिरा बेदी लाजली; पाहा काय म्हणाला त्या १६ सेकंदात