aditya thackeray, वेदांता फॉक्सकॉनवरील आरोपांवरून गडकरींचा आदित्य ठाकरेंना टोला, ‘कारण नसतानाही लोक….’ – nitin gadkari slams aditya thackeray over vedanta foxconn project

महाराष्ट्रात भाजपची सत्ता असतानाही वेदांता फॉक्सकॉन आणि टाटा एअरबससारखे प्रकल्प महाराष्ट्रातून गुजरातला का गेले? असा प्रश्न गडकरींना इंडिया टुडे कॉनक्लेव्हमध्ये विचारण्यात आला. त्यावर गडकरींनी थेट आणि स्पष्ट उत्तर दिलं. देशात महाराष्ट्राची अर्थव्यवस्था सर्वात वेगवान आहे. नागपूरला आमच्याकडे टालचा (TAAL) प्रकल्प आहे. या प्रकल्पात एअरबस आणि बोईंच्या विमानांसाठी सुटे भाग बनवले जातात. तिथे आता राफेल आणि फाल्कन विमानेही बनवली जाणार आहेत. उद्योगधंदे अनेक ठिकाणी जातात. पण आपला उद्योग कुठे स्थापन करायचा? याचा निर्णय गुंतवणूकदारांच्या हातात असतो. हे राज्याच्या हातात नसते, असं नितीन गडकरी यांनी सांगितलं.

महाराष्ट्रात वाहन उद्योगातील कंपन्यात आहेत. पुण्यात वाहननिर्मिती करणाऱ्या अनेक मोठ्या कंपन्या आहेत. महाराष्ट्राच्या सर्वच भागांमध्ये उद्योगधंदे सुरू आहेत. आधी विदर्भ, मराठवाडा मागसलेला असा वाद आणि आरोप व्हायचे. पण आता तसं नाहीए. सर्व भागांचा विकास होतोय, असं गडकरी बोलले.