ट्विटरच्या भारतीय कर्मचाऱ्यांची कामावरून ‘सुट्टी’, एका झटक्यात पूर्ण मार्केटिंग टीम ‘आऊट’
आमच्याकडे पर्याय नाही
मस्क यांनी शुक्रवारी सकाळी ट्विट करून म्हटले की, कंपनीला दररोज ४ दशलक्ष डॉलर (३२.७७ कोटी रुपये) तोटा होत आहे, त्यामुळे आमच्याकडे कर्मचाऱ्यांना कामावरून काढण्याशिवाय पर्याय नाही. ज्यांना काढून टाकण्यात आले आहे त्यांना तीन महिन्यांची भरपाई देण्यात आली आहे, जी कायद्याने दिलेल्या रकमेपेक्षा ५० टक्के जास्त आहे.
Twitter Down होताच युजर्स म्हणाले ‘हा’ कर्मचाऱ्यांना काढून टाकण्याचा परिणाम तर नाही ?
कर्मचाऱ्यांना तीन प्रकारचे ईमेल
ट्विटर कर्मचाऱ्यांना तीन प्रकारचे ई-मेल मिळत आहेत. एक ई-मेल ज्यांना काढून टाकण्यात आले नाही त्यांच्यासाठी आहे. एक ई-मेल ज्यांना काढून टाकण्यात आले आहे त्यांच्यासाठी आहे. तर एक मेल त्यांच्यासाठी आहे ज्यांच्या नोकर्‍या अद्याप अडचणीत आहेत.
ट्विटरच्या कर्मचाऱ्यांना काढून टाकणं इतकं सोपं नाही! एलन मस्क पुन्हा अडचणीत येणार..
सीईओंची हकालपट्टी
जागतिक स्तरावर कर्मचार्‍यांची संख्या कमी करण्याच्या योजनेचा एक भाग म्हणून ट्विटरने भारतातील कर्मचार्‍यांना काढून टाकण्यास सुरुवात केली आहे. मस्क यांनी गेल्या आठवड्यात ट्विटरचे मुख्य कार्यकारी अधिकारी (सीईओ) पराग अग्रवाल, मुख्य आर्थिक अधिकारी (सीएफओ) आणि इतर काही उच्च अधिकाऱ्यांना काढून टाकले. त्यांनी ट्विटरचा ताबा घेतल्यानंतर लगेचच त्यांची हकालपट्टी केली. यानंतर उच्च व्यवस्थापनातील अनेकांनी राजीनामे दिले.
कर्मचारी कोर्टात
कामावरून काढून टाकण्यात आलेल्या ट्विटरमधील कर्मचाऱ्यांना सॅन फ्रान्सिस्को फेडरल कोर्टात क्लास-ॲक्शन लॉ खटला दाखल केला आहे. कंपनी पुरेशी सूचना न देता हे सर्व करत असल्याचे कर्मचाऱ्यांचे म्हणणे आहे. हे फेडरल आणि कॅलिफोर्निया कायद्याचे उल्लंघन आहे.
