अंधेरीतील गोखले पूल उद्यापासून वाहतुकीसाठी पूर्णपणे बंद; ‘पश्चिम द्रुतगती’साठी सहा पर्याय
सकाळी ८ वाजता टपाली मतपत्रिकांच्या गणनेने मतमोजणीस प्रारंभ होईल. त्यानंतर अर्ध्या तासाने म्हणजेच साडेआठ वाजता मतदानयंत्रातील (ईव्हीएम) मतांच्या मोजणीला सुरुवात केली जाईल. ‘ईव्हीएम’च्या मतमोजणीसाठी १४ टेबल असणार आहेत. मतमोजणीच्या एकूण १९ फेऱ्या होणार असून प्रत्येक फेरीअंती मतगणनेची माहिती ध्वनिक्षेपकाद्वारे आणि मतमोजणी केंद्राच्या बाहेर लावण्यात आलेल्या ‘एलसीडी स्क्रीन’वर दाखविण्यात येणार असल्याची माहिती निवडणूक निर्णय अधिकारी प्रशांत पाटील यांनी दिली.
बांधकाम क्षेत्र वापरावर ‘बुलेट’ स्थानकामुळे बंधन; ‘एमएमआरडीए’ची ३,८८९ कोटींची मागणी
मतमोजणीसाठी २०० अधिकारी आणि कर्मचारी कार्यरत असतील. यामध्ये मुंबई उपनगर जिल्हा प्रशासन, राज्य शासनाची विविध खाती, मुंबई महानगरपालिका, म्हाडा, महावितरण, प्रादेशिक परिवहन कार्यालय, मुंबई मेट्रो, मुंबई महानगर प्रदेश विकास प्राधिकरण यासारख्या विविध संस्थांच्या अखत्यारीतील अधिकारी आणि कर्मचाऱ्यांचा समावेश आहे. त्याचबरोबर कायदा आणि सुव्यवस्थेसाठी मुंबई पोलिस दलाचे ३०० अधिकारी, कर्मचारी आणि इतर सुरक्षा यंत्रणाही कर्तव्यावर तैनात असणार आहेत, असे पाटील यांनी सांगितले.
