Authored by टीम मटा ऑनलाइन | Edited by रोहित धामणस्कर | महाराष्ट्र टाइम्स.कॉम | Updated: 6 Nov 2022, 8:26 am

Maharashtra Politics | मतदारांनी दाखवलेल्या निरुउत्साहामुळे या पोटनिवडणुकीत अवघे ३१.७४ टक्के इतके मतदान झाले आहे. निवडणूक आयोगाने दिलेल्या माहितीनुसार, अंधेरी पूर्व मतदारसंघात एकूण २,७१,००० मतदार आहेत. मात्र, यापैकी फक्त ३१.७४ टक्के म्हणजे ८५,६९८ नागरिकांनी आपल्या मतदानाचा हक्क बजावला होता. त्यामुळे निकालाच्या दिवशी नेमके कसे चित्र पाहायला मिळणार, याविषयीचा संभ्रम आणखीनच वाढला होता.

 

Rutuja Latke Andheri
अंधेरी पूर्व पोटनिवडणूक

हायलाइट्स:

  • मतमोजणीच्या एकूण १९ फेऱ्या होतील
  • मतमोजणीसाठी २०० कर्मचारी तैनात
मुंबई: गेल्या काही दिवसांपासून महाराष्ट्राच्या राजकारणाचा केंद्रबिंदू ठरलेल्या अंधेरी पूर्वच्या पोटनिवडणुकीचा निकाल रविवारी जाहीर होत आहे. या पोटनिवडणुकीत ठाकरे गटाच्या ऋतुजा लटके किती मताधिक्य घेऊन विजयी होणार, याकडे राजकीय वर्तुळाचे लक्ष लागले आहे. ठाकरे गटाचे नेते अनिल परब (Anil Parab) यांनी या पोटनिवडणुकीत ऋतुजा लटके यांना ९० ते ९५ टक्के मतं मिळतील, असा अंदाज व्यक्त केला होता. राज्यातील सत्तांतरानंतर मुंबईत होणाऱ्या पहिल्याच निवडणुकीत शिवसेनेला आपले वर्चस्व दाखवून द्यायचे असल्यास ऋतुजा लटके यांनी मोठा विजय मिळवणे आवश्यक आहे.

सकाळी ८ वाजता टपाली मतपत्रिकांच्या गणनेने मतमोजणीस प्रारंभ होईल. त्यानंतर अर्ध्या तासाने म्हणजेच साडेआठ वाजता मतदानयंत्रातील (ईव्हीएम) मतांच्या मोजणीला सुरुवात केली जाईल. ‘ईव्हीएम’च्या मतमोजणीसाठी १४ टेबल असणार आहेत. मतमोजणीच्या एकूण १९ फेऱ्या होतील. मात्र, भाजपच्या मुरजी पटेल यांनी अगोदरच माघार घेतल्याने ही निवडणूक एकतर्फी झाली होती. त्यामुळे मतमोजणी सुरु झाल्यानंतर पहिल्या तीन ते चार तासांमध्येच निकाल स्पष्ट होईल, असा राजकीय जाणकारांचा अंदाज आहे. त्यामुळे आज नेमके काय घडणार, याकडे सत्ताधारी शिंदे-फडणवीस सरकार आणि महाविकास आघाडीचे लक्ष लागले आहे.
Andheri Bypoll: अंधेरी पोटनिवडणुकीत ‘नोटा’ला ४३ हजार मतं मिळणार? ती पोस्ट व्हायरल
मतदारांनी दाखवलेल्या निरुउत्साहामुळे या पोटनिवडणुकीत अवघे ३१.७४ टक्के इतके मतदान झाले आहे. निवडणूक आयोगाने दिलेल्या माहितीनुसार, अंधेरी पूर्व मतदारसंघात एकूण २,७१,००० मतदार आहेत. मात्र, यापैकी फक्त ३१.७४ टक्के म्हणजे ८५,६९८ नागरिकांनी आपल्या मतदानाचा हक्क बजावला होता. त्यामुळे निकालाच्या दिवशी नेमके कसे चित्र पाहायला मिळणार, याविषयीचा संभ्रम आणखीनच वाढला होता.

ऋतुजा लटके यांना मोठा विजय मिळवणे आवश्यका का?

अंधेरी पोटनिवडणुकीतून भाजपच्या मुरजी पटेल यांनी शेवटच्या क्षणी माघार घेतली होती. त्यामुळे ही पोटनिवडणूक एकतर्फी झाली होती. यामध्ये ठाकरे गटाच्या ऋतुजा लटके यांचा विजय निश्चित मानला जात आहे. परंतु, मतदानाच्या काही दिवस आधी भाजपकडून पडद्यामागून ‘नोटा’चा प्रचार केला जात असल्याचा आरोप शिवसेनेकडून (ठाकरे गट) करण्यात आला होता. ऋतुजा लटके यांच्यापेक्षा नोटा या पर्यायाला जास्त मतं पडावीत, यासाठी पद्धतशीर आखणी केली जात असल्याचे ठाकरे गटाचे म्हणणे होते. आता या पोटनिवडणुकीत अगोदरच अवघे ३१ टक्के मतदान झाले आहे. यामध्ये आता नोटाला किती मतं पडणार, हे पाहणे औत्स्युकाचे असेल.
अंधेरी पोटनिवडणुकीत भाजपने शिवसेनेसाठी मन मोठं का केले? ठाकरेंनी इतिहासच मांडला
या पोटनिवडणुकीत अवघ्या ८५,६९८ नागरिकांनी मतदान केल्याने ठाकरे गटाच्या ऋतुजा लटके यांना निर्भेळ विजय मिळाल्याचे दाखवायचे असल्यास मोठ्या मताधिक्याने निवडून यावे लागेल. ही पोटनिवडणूक महाविकास आघाडीच्या नेत्यांनी एकत्र लढवली होती. अंधेरी पूर्व भागातील शिवसेनेची पारंपरिक व्होटबँक आणि काँग्रेस-राष्ट्रवादीच्या मतदारांचा टक्का लक्षात घेता ऋतुजा लटके यांना ४५ ते ५० हजार इतकी मतं पडतील, अशी अपेक्षा आहे. आता काँग्रेस आणि राष्ट्रवादीची मतं ऋतुजा लटके यांच्याकडे ट्रान्सफर होणार का, हे पाहावे लागले. तसे घडले तरच ऋतुजा लटके यांना निर्भेळ यश आणि दणदणीत विजय मिळवता येणे शक्य आहे.

जवळच्या शहरातील बातम्या

Marathi News App: तुम्हालाही तुमच्या अवतीभवती होत असलेल्या बदलांमध्ये सहभागी व्हायचं आहे? सिटिझन रिपोर्टर अॅप डाउनलोड करा आणि रिपोर्ट्स पाठवा.

LEAVE A REPLY

Please enter your comment!
Please enter your name here