पुणे हादरलं! वास्तुशास्त्र सल्लागाराच्या खूनानंतर १७व्या दिवशी गूढ उलगडलं, आधी कॉफी पाजली नंतर…
याबाबत भोसरी पोलिसांनी दिलेल्या माहितीनुसार, चंद्रमा ही ओडिसा येथील राहणारी होती. काही दिवसांपासून ती भोसरी परिसरात वास्तव्यास होती. मात्र आपल्या वडिलांच्या नावावर असलेल्या दोन घरांपैकी एक घर तिच्या नावावर करून द्यावं, तसंच पैसे आणि दागिनेही द्यावे मला द्यावे, अशी मागणी तिने पत्रकार रामदास तांबे याच्याकडे केली. या कामात मदत नाही केली तर लैंगिक अत्याचाराचा गुन्ह्यात तुला अडकवून टाकेल अशी धमकी संबंधित आरोपीला दिली. यावरून दोघांमध्ये अनेकदा वादही होत होते. मात्र तिच्यापासून कायमची सुटका करण्यासाठी रामदास तांबे याने थेट चंद्रमा मुनी हिला संपवण्याचा प्लॅन केला. तिला जीवे मारण्याच्या उद्देशाने भोसरीपासून काही अंतरावर असणाऱ्या केळगाव परिसरात फिरण्यासाठी नेले आणि तिथेच तिची हत्या केली. त्यानंतर भोसरी पोलिसात मैत्रीण बेपत्ता असल्याची तक्रार नोंदवली.
पोलिसांनी घटनेची दखल घेत तरुणीचा शोध घेण्यास सुरुवात केली. मात्र पोलिसांना संशय आल्याने संपूर्ण प्रकरणाचा तपास तक्रारदाराभोवतीच केंद्रित केला. तक्रारदार असलेल्या रामदास तांबे याला ताब्यात घेऊन पोलिसी खाक्या दाखवताच त्याने सर्व हकीकत सांगितली. त्यानंतर पोलिसांनी आरोपीला बेड्या ठोकल्या आहेत.
