Maharashtra Politics | भाजपच्या मुरजी पटेल यांनी पोटनिवडणुकीतू माघार घेतली होती. यासाठी आम्ही भाजपचे आभारही मानले होते. पण एका बाजूने उमेदवार मागे घ्यायचा आणि दुसरीकडे नोटाचा प्रचार करायचा, हे योग्य नाही. भाजपने ऋतुजा लटके यांना पाठिंबाही दिला नव्हता. अंधेरी पूर्व निवडणुकीत झालेला नोटाचा प्रचार, ही बाब खटकण्यासारखी होती, असेही अनिल परब यांनी म्हटले.
हायलाइट्स:
- मशाल चिन्हावर ठाकरे गटाचा दणदणीत विजय
- उद्धव ठाकरेंनी पहिली लढाई जिंकली
उद्धव बाळासाहेब ठाकरे गटाने मशाल हे चिन्हा घेऊन पहिला विजय मिळवला आहे. पक्षाचं नवं नाव आणि चिन्ह घेऊन शिवसैनिकांनी पोटनिवडणुकीत जो प्रचार केला, काम केलं, त्यासाठी मी त्यांचे आभार मानतो. अंधेरी पोटनिवडणुकीच्या मतदानापूर्वी पैसे देऊन नोटाचा प्रचार केला जात होता. कायद्यानुसार नोटाचा प्रचार करता नाही. नोटाचा वापर हा ऐच्छिक आहे. ज्याला वाटतं वरीलपैकी कोणताही उमेदवार योग्य नाही, त्याला नोटाचं बटण दाबण्याचा अधिकार आहे. मात्र, निवडणुकीपूर्वी काही ठिकाणी पैसे देऊन नोटाचा प्रचार सुरु होता. आम्ही पोलीस आणि निवडणूक आयोगाकडे याबाबत तक्रार केली होती. मी स्वत: निवडणूक आयोगाकडे नोटाचा प्रचार सुरु असतानाचा व्हिडिओ दिला होता. लेखी सूचनाही दिली होती. मात्र, पोलीस आणि निवडणूक आयोगाकडून कोणतीही कारवाई करण्यात आली नाही. त्यामुळे नोटाला मिळालेली मतं, ही गैरमार्गाने मिळवण्यात आली आहेत, असा आरोप अनिल परब यांनी केला.
Andheri Bypoll Results: सूनबाईंची विजयाच्या दिशेने घोडदौड, लेकाची आठवण काढत रमेश लटकेंचे वडील म्हणाले…यावेळी अनिल परब यांनी भाजपवरही टीकास्त्र सोडले. भाजपच्या मुरजी पटेल यांनी पोटनिवडणुकीतू माघार घेतली होती. यासाठी आम्ही भाजपचे आभारही मानले होते. पण एका बाजूने उमेदवार मागे घ्यायचा आणि दुसरीकडे नोटाचा प्रचार करायचा, हे योग्य नाही. भाजपने ऋतुजा लटके यांना पाठिंबाही दिला नव्हता. अंधेरी पूर्व निवडणुकीत झालेला नोटाचा प्रचार, ही बाब खटकण्यासारखी होती, असेही अनिल परब यांनी म्हटले.
Andheri Bypoll: अंधेरी पोटनिवडणुकीत फक्त ८५,६९८ मतं, ऋतुजा लटकेंना निर्भेळ विजयासाठी किती मतं आवश्यक?
ऋजुता लटके यांचा विजय
अंधेरी पोटनिवडणुकीच्या मतमोजणीच्या पहिल्या फेरीपासून ऋतुजा लटके यांना आघाडी घेतली होती.ही आघाडी लटके यांनी शेवटपर्यंत राखून ठेवली. ऋतुजा लटके ५८८७५ मतं मिळवत या पोटनिवडणुकीत विजयी ठरल्या. तर नोटाला दुसऱ्या क्रमांकाची ११,५६९ मतं मिळाली. तर अपक्ष उमेदवार राजेश त्रिपाठी यांनी १३८० मतं मिळवत तिसरे स्थान मिळवले. मतमोजणीच्या काही फेऱ्या अद्याप शिल्लक आहेत. मात्र, ऋतुजा लटके यांच्याकडे असलेले मताधिक्य लक्षात घेता त्यांच्या विजयावर शिक्कामोर्तब झाले आहे.
जवळच्या शहरातील बातम्या
Marathi News App: तुम्हालाही तुमच्या अवतीभवती होत असलेल्या बदलांमध्ये सहभागी व्हायचं आहे? सिटिझन रिपोर्टर अॅप डाउनलोड करा आणि रिपोर्ट्स पाठवा.
