Demat A/C For Share Market: तुम्हाला तुमचे शेअर्स एका डिमॅट खात्यातून दुसऱ्या खात्यात हलवायचे आहेत का? किंवा, कुटुंबातील सदस्य किंवा मित्राला शेअर्स ट्रान्सफर करायचे? मग, तुमच्या स्टॉक ब्रोकर किंवा बँकेला काही भेटी देण्यासाठी तयार रहा. ऑनलाइन व्यवहारांच्या या काळात डिमॅट खात्यांमधील शेअर्सचे हस्तांतरण अजूनही अनेकांसाठी भौतिक किंवा ऑफलाइन प्रक्रिया आहे.
हायलाइट्स:
- बाजारात गुंतवणुकीसाठी डिमॅट खाते गरजेचे आहे.
- गुंतवणूकदाराकडे एकापेक्षा अधिक खाती असू शकतात
- ऑनलाईन आणि ऑफलाईन मार्गाने शेअर्सचे हस्तांतरण केले जाऊ शकते
स्मॉलकॅप गटातील या बॅटरी उत्पादन कंपनीने दोन वर्षांत लक्षणीय उलाढाल नोंदविलीगुंतवणूकदाराची अनेक डिमॅट खाती असू शकतात. त्यामुळे जर तुमच्याकडे अनेक डिमॅट खाती असल्यास तुम्ही एका खात्यातून दुसऱ्या खात्यात शेअर्स ट्रान्सफर करू शकता. हे काम करणे अतिशय सोप्पे असून तुम्ही ऑनलाईन आणि ऑफलाईन करू शकता. मात्र, आपल्या सोयीनुसार सर्व शेअर्स एका खात्यातून दुसऱ्या खात्यात हस्तांतरित करण्याऐवजी, आपण काही शेअर्स देखील हस्तांतरित करू शकता. हस्तांतरण केल्यावर शेअर्स खरेदीच्या तारखेत कोणताही बदल होणार नाही.
गुंतवणूकदार एका झटक्यात करोडपती; या आयपीओंनी धूम उडवून दिली, पैसे लावण्यापूर्वी पाहा लिस्ट
ऑफलाइन शेअर हस्तांतरण
- जेव्हा शेअर्स NSDL किंवा CDSL च्या डिपॉझिटरीमध्ये ठेवलेले असतात तेव्हा एका डिमॅट खात्यातून दुसऱ्या डिमॅट खात्यात शेअर्स ऑफलाइन हस्तांतरित केले जाऊ शकतात.
- यासाठी तुम्हाला डिलिव्हरी इंस्ट्रक्शन स्लिप भरावी लागेल.
- या गोष्टी फॉर्ममध्ये भराव्या लागतील- शेअर हस्तांतरित करायच्या असलेल्या शेअरचा ISIN क्रमांक, कंपनीचे नाव, डिमॅट खाते आणि ज्या खात्यात शेअर्स हस्तांतरित करायचे आहेत त्याचा डीपी ID.
- फॉर्म भरल्यानंतर हा फॉर्म ब्रोकिंग कंपनीच्या कार्यालयात जमा करावा लागतो.
- फॉर्मवर प्रक्रिया केल्यानंतर शेअर्स दुसऱ्या डिमॅट खात्यात हस्तांतरित केले जातील.
- लक्षात ठेवा की शेअर ट्रान्सफर अर्जावर प्रक्रिया करण्यासाठी ब्रोकर तुमच्याकडून शुल्क आकारला जाऊ शकतो. तसे, जुने डीमॅट खाते बंद करण्यावर कोणतेही शुल्क आकारले जाणार नाही.
ऑप्शन्स ट्रेडिंग म्हणजे नक्की काय; गुंतवणुकीच्या या प्रकाराबद्दल माहित असणे गरजेचे
ऑनलाइन शेअर हस्तांतरण
- जर शेअर्स सीडीएसएलच्या डिपॉझिटरीमध्ये ठेवले असतील तर ते ऑनलाइन हस्तांतरित केले जाऊ शकतात.
- तुम्हाला ‘EASISEST’ प्लॅटफॉर्म वापरावा लागेल.
- सर्वप्रथम तुम्हाला https://web.cdslindia.com/myeasi/Home/Login या लिंकवर नोंदणी करावी लागेल.
- ज्या डिमॅट खात्यात शेअर्स ठेवले आहेत त्याचा तपशील भरा.
- डिमॅट खाते जोडा ज्यामध्ये शेअर्स ट्रान्सफर करायचे आहेत.
- खाते लिंक केल्यानंतर २४ तासांनंतर तुम्ही शेअर्स ट्रान्सफर करू शकता.
Marathi News App: तुम्हालाही तुमच्या अवतीभवती होत असलेल्या बदलांमध्ये सहभागी व्हायचं आहे? सिटिझन रिपोर्टर अॅप डाउनलोड करा आणि रिपोर्ट्स पाठवा.
