SBI गुंतवणूकदारांसाठी खुशखबर! आता सर्वांना मिळणार बंपर फायदे, टार्गेट प्राईस जाणून घ्या
बीएसईवर सुट्टीची नोटीस दिली
बीएसईच्या अधिकृत वेबसाइट bseindia.com वर उपलब्ध स्टॉक मार्केट हॉलिडे २०२२ च्या यादीनुसार मंगळवार, ८ नोव्हेंबर रोजी इक्विटी सेगमेंट, इक्विटी डेरिव्हेटिव्ह सेगमेंट आणि SLB सेगमेंटमध्ये कोणतेही काम होणार नाही. दुसरीकडे, चलन डेरिव्हेटिव्ह विभाग आणि व्याजदर डेरिव्हेटिव्ह विभागातील व्यापार देखील बंद राहील.
Stocks to Buy: पैसे तयार ठेवा! ‘या’ स्टॉक्समध्ये गुंतवणूक करून तुम्ही करू शकता भरपूर कमाई
वर्षभरात शेअर बाजारातील सुट्ट्या
आपण बीएसईच्या स्टॉक मार्केटच्या हॉलिडे लिस्टवर नजर टाकली तर २०२२ मध्ये शनिवार आणि रविवारच्या साप्ताहिक सुट्टीव्यतिरिक्त एकूण १३ सुट्ट्या आल्या आहेत. या अंतर्गत कामकाजाच्या दिवशी येणारी शेवटची सुट्टी ८ नोव्हेंबर रोजी पडत आहे, तर २५ डिसेंबर रोजी येणारी सुट्टी रविवार असल्याने तो दिवस साप्ताहिक सुट्टीत गणला जात आहे.
बिकाजी IPO ची क्रेज कायम; दुसऱ्या दिवशी सबस्क्रिप्शन १.५ पटीने वाढले, गुंतवणूकदारांच्या अपेक्षा वाढल्या
ऑक्टोबरमध्ये शेअर बाजारात ३ दिवस सुट्ट्या
गेल्या महिन्यात ऑक्टोबरमध्ये शेअर बाजारातील ट्रेडिंग सत्रांसह तीन दिवस व्यापार बंद राहिला होता. या अंतर्गत ५ ऑक्टोबर-दसरा, २४ ऑक्टोबर-दिवाळी आणि २६ ऑक्टोबरला बलिप्रतिपदानिमित्त बीएसई आणि एनएसईवर कोणतेही कामकाज झाले नाही. पण दिवाळीच्या दिवशी २४ ऑक्टोबर रोजी संध्याकाळी ६:१५ ते ७:१५ या वेळेत एक तासाचे मुहूर्त ट्रेडिंग सत्रात परंपरेनुसार पार पडले.
आठवड्याच्या सुरुवातीला बाजाराची सुरुवात
आजच्या व्यवहारात बीएसईचा ३० शेअर्सचा निर्देशांक सेन्सेक्स २३७.७७ अंकांच्या किंवा ०.३९ टक्क्यांच्या वाढीसह ६१,१८८ वर उघडला. तर दुसरीकडे, एनएसईचा ५० शेअर्सचा निर्देशांक निफ्टी ९४.६० अंक किंवा ०.५२ टक्क्यांच्या मजबूतीसह १८,२११ वर उघडला.
