Bhagyashree Rasal | महाराष्ट्र टाइम्स.कॉम | Updated: 7 Nov 2022, 3:52 pm
Har Har Mahadev Controversy वेडात मराठे वीर दौडले सात या सिनेमानंतर आता हर हर महादेव सिनेमाही वादात सापडला आहे. पुण्यात संभाजी ब्रिगेडनं हर हर महादेव सिनेमाला जोरदार विरोध केला आहे. ब्रिगेडच्या काही कार्यकर्त्यांनी पिंपरी-चिंचवडमधील काही शो बंद पाडले आहेत.
शाहरुखचा खलनायक सुद्धा त्याच ताकदीचा हवा म्हणून जॉन… ‘पठाण’च्या दिग्दर्शकाचा खुलासा
अंकुर वाढवेचं मोठं यश, या अवघड परिक्षेत पास होणारा भारतातील एकमेव विद्यार्थीसंभाजी ब्रिगेडचे आक्षेप
चित्रपटात छत्रपती शिवराय रामदासी वेषात दाखवण्याचा मुर्खपणा केला आहे. बाजीप्रभू शिवरायांच्या प्रतापगड मोहिमेत दाखवणे म्हणजे इतर मराठा सरदार यांनी शिपायाची भूमिका करण्यासारखं आहे. कान्होजी जेधे खलीता घेऊन बाजीप्रभू यांच्याकडे गेलेले दाखवणे म्हणजे जेधे यांना शिपाई करण्यासारखे आहे, असं संभाजी ब्रिगेडने म्हटलं आहे. छत्रपतींना अफजलखानाने जिरे टोपावर वार केलेला दाखवला आहे. डोक्यातून रक्त येताना दाखवले आहे. हा तर मोठा विनोद आहे. छत्रपतींवर वार करणारा कृष्णा भास्कर कुलकर्णी हा अफजालखानाचा वकील होता. त्याने छत्रपतींवर वार केलेला होता हे न दाखवता अफजलखानानेच वार केला, असं खोटं दाखवलं आहे, असा आक्षेप संभाजी ब्रिगेडने घेतला आहे.
दरम्यान, कालच संभाजीराजे छत्रपती यांनी प्रेस कॉन्फरन्समध्ये हर हर महादेवच्या निर्मात्यांना इतिहासाची मोडतोड केल्याबद्दल फटकारले होते. संभाजीराजे छत्रपती यांनी आक्षेप घेतल्यानंतर आता पिंपरीतील विशाल थिएटरमध्ये हर हर महादेवचा शो बंद पाडला आहे. दरम्यान, महेश मांजरेकर दिग्दर्शित वेडात मराठे वीर दौडले सात या सिनेमाची घोषणा काही दिवसांपूर्वी झाली होती. या सिनेमाची घोषणा झाल्यानंतरही त्याला विरोध होऊ लागला आहे.
Marathi News App: तुम्हालाही तुमच्या अवतीभवती होत असलेल्या बदलांमध्ये सहभागी व्हायचं आहे? सिटिझन रिपोर्टर अॅप डाउनलोड करा आणि रिपोर्ट्स पाठवा.
