गुंतवणूकदारांसाठी महत्त्वाची बातमी! शेअर बाजारातील व्यवहार उद्या बंद, सविस्तर तपशील जाणून घ्या
अदित्य बिर्ला फॅशन (Aditya Birla Fashion)
या यादीत पहिले नाव आदित्य बिर्ला फॅशन अँड रिटेलचे आहे. या शेअर्समध्ये गुंतवणुकीसाठी लक्ष्य किंमत ३८६ रुपये ठेवण्यात आली आहे. आज हा शेअर तीन टक्क्यांच्या घसरणीसह ३२० रुपयांच्या पातळीवर आहे. लक्ष्य किंमत सध्याच्या पातळीपेक्षा २० टक्क्यांपेक्षा जास्त आहे. सप्टेंबर तिमाहीत कंपनीच्या महसुलात वार्षिक ४८ टक्के वाढ नोंदवली गेली आणि ती २५९३ कोटी झाली.
हिंदुस्थान पेट्रोलियम (Hindustan Petroleum)
ब्रोकरेज फर्मने हिंदुस्तान पेट्रोलियम कॉर्पोरेशन लि. या तेल आणि वायू क्षेत्रातील कंपनीच्या शेअर्समध्ये गुंतवणुकीचा सल्ला दिला आहे. त्यासाठी लक्ष्य किंमत २५० रुपये ठेवण्यात आली आहे, जी २२ टक्क्यांपेक्षा जास्त आहे. सप्टेंबर तिमाहीत तोटा १२,८७० कोटींवरून १८५९ कोटींवर आला आहे. सरकारने एलपीजी सबसिडी म्हणून ५६१७ कोटी जारी केले, त्यामुळे तोट्यात घट झाली आहे. रिफायनरीचे एकूण महसूल मार्जिन प्रति बॅरल ८.४ डॉलर इतके होते. ते अपेक्षेपेक्षा चांगले आहे. कंपनीचे कर्ज झपाट्याने वाढले आहे. स्टँडअलोन ग्रॉस कर्ज ५९ टक्क्यांनी वाढून ६८,५४६ कोटी झाले आहे.
SBI गुंतवणूकदारांसाठी खुशखबर! आता सर्वांना मिळणार बंपर फायदे, टार्गेट प्राईस जाणून घ्या
सिटी युनियन बँकेसाठी लक्ष्य किंमत (City Union Bank Share)
सिटी युनियन बँकेत खरेदी सल्ला देण्यात आला असून लक्ष्य किंमत २३० रुपये ठेवण्यात आली आहे, जी २१ टक्के जास्त आहे. बँकेचे निव्वळ व्याज उत्पन्न वार्षिक आधारावर १९ टक्के आणि तिमाही आधारावर ६ टक्क्यांनी वाढले आहे, जे अंदाजापेक्षा चांगले आहे. निव्वळ व्याज मार्जिन तिमाही आधारावर १४ आधार अंकांनी वाढून ४.०९ टक्क्यांवर पोहोचले.
नवीन आठवड्यात कमाईची संधी, कमी भांडवलात मिळावा भरगोस उत्त्पन्न, जाणून घ्या सविस्तर माहिती
महिंद्रा लाईफस्पेससाठी लक्ष्य (Mahindra Lifespaces)
महिंद्रा लाइफस्पेस डेव्हलपर्सची खरेदीचा सल्ला देण्यात आला आहे आणि लक्ष्य किंमत ४०० रुपये ठेवण्यात आली, जी सुमारे ५० टक्के जास्त आहे. पुण्यात नेस्टॅल्जिया प्रकल्प सुरू झाल्यानंतर खरेदीदारांमध्ये चांगलीच उत्सुकता दिसून येत आहे. एप्रिल २०२२ मध्ये कंपनीने १७०० कोटींचा नवीन प्रकल्प जोडला होता. त्यानंतर कंपनीला एकही प्रकल्प सुरू करता आलेला नाही. निवासी घरांच्या विक्री बुकिंगमध्ये मूल्याच्या आधारावर ३१.७ टक्क्यांची वार्षिक वाढ नोंदवली गेली.
पुरवांकरा लिमिटेडसाठी लक्ष्य किंमत (Purvankara Share Price)
ब्रोकरेज फर्म पुरवांकरा लिमिटेडच्या शेअर्समध्ये गुंतवणुकीबाबत सकारात्मक आहेत. हा शेअर २१-२३ टक्क्यांपर्यंत वाढण्याची अपेक्षा आहे. सध्या हा शेअर ९७ रुपयांच्या पातळीवर आहे. या कंपनीसाठी पुढील दोन तिमाही अधिक चांगली असतील, असे ब्रोकरेजचे म्हणणे आहे. दुस-या तिमाहीत विक्रीत वार्षिक ३२.५ टक्के वाढ होऊन ती ७९१ कोटी झाली. दुसर्‍या तिमाहीत आणि पहिल्या सहामाहीतील संकलन ५२ टक्के आणि ५० टक्क्यांच्या वाढीसह ५१८ कोटी आणि ९२५ कोटी होते.
