कामाची बातमी! ५०० रुपयांहून कमी किमतीचे शेअर्स, तब्बल ५० टक्के परतावा मिळण्याची शक्यताभारतातील सर्वात मोठ्या फिनटेक कंपनीला जून तिमाहीत ६४४.४ कोटी रुपयांचा तोटा झाला, तर मागील आर्थिक वर्षाच्या दुसऱ्या तिमाहीत त्याचा निव्वळ तोटा ४८१ कोटी रुपये होता. तसेच पेटीएमचे एकत्रित परिचालन उत्पन्न (महसूल) आर्थिक वर्ष २०२२-२३ च्या सप्टेंबर तिमाहीत ७६ टक्क्यांनी वाढून १,९१४ कोटी रुपये झाले, जे मागील वर्षीच्या याच तिमाहीत रु. १,०८६.४ कोटी होते.
SBI गुंतवणूकदारांसाठी खुशखबर! आता सर्वांना मिळणार बंपर फायदे, टार्गेट प्राईस जाणून घ्या
महसुलात वाढ हे चांगले लक्षण
मर्चंट सबस्क्रिप्शनमध्ये वाढ, MTU वाढल्यामुळे बिल पेमेंटमध्ये वाढ आणि आमच्या प्लॅटफॉर्मद्वारे कर्ज वितरणात वाढ यामुळे महसूल वाढला असल्याचे कंपनीने म्हटले आहे. जे की एक चांगले लक्षण आहे. त्याच वेळी, वित्तीय सेवा आणि इतर व्यवसायातील महसूल ३४९ कोटी रुपये होता, जो २९३% वार्षिक वाढ दर्शवतो.
नवीन आठवड्यात कमाईची संधी, कमी भांडवलात मिळावा भरगोस उत्त्पन्न, जाणून घ्या सविस्तर माहिती
यापूर्वी, पेटीएमने सप्टेंबरमध्ये वार्षिक कर्ज वितरण १७ टक्क्यांनी वाढून ३४,००० कोटी रुपयांवर पोहोचल्याची माहिती दिली होती. कंपनी पेटीएम ब्रँड नावाने व्यवसाय करते. कंपनीने सांगितले की ऑगस्ट २०२२ मध्ये कर्ज वितरणाचा वार्षिक दर २९ हजार कोटी रुपये होता. तर सप्टेंबर तिमाहीत पेटीएमने वितरित केलेल्या एकूण कर्जांची संख्या वाढून सुमारे ९२ लाख झाली, जी एका वर्षापूर्वी २८.४१ लाख होती.
शेअर्स IPOच्या किमतीपेक्षा ७० टक्के खाली
दरम्यान, पेटीएमचा स्टॉक १८ नोव्हेंबर रोजी २१५० रुपयांच्या इश्यू किमतीच्या तुलनेत १९५५ रुपयांवर सूचीबद्ध झाला होता. तर लिस्टिंगच्या दिवशी तो २७ टक्क्यांनी घसरून १५६४ रुपयांवर बंद झाला. याशिवाय सोमवार, ७ नोव्हेंबर रोजी तो ६५२ रुपयांवर बंद झाला. म्हणजेच इश्यू किमतीच्या तुलनेत तो ७० टक्क्यांनी खाली घसरला आहे. पेटीएमचा आयपीओ गेल्या वर्षी नोव्हेंबरमध्ये आला होता, आणि त्याची इश्यू प्राईस २,१५० रुपये निश्चित करण्यात आली होती. पेटीएमचे शेअर्स आजपर्यंत त्याच्या इश्यू किंमतीला स्पर्श करू शकले नाहीत आणि सतत घसरत आहेत. सध्या शेअरची किंमत ६५२ रुपये आहे.
