ज्या दिवशी टायटनने तिची दुसऱ्या तिमाहीत कमाई जाहीर केली, त्या दिवशी कंपनीचा स्टॉक बीएसईवर रु. २,७९० चा ५२ आठवड्यांचा उच्चांक गाठण्यापासून फक्त दोन रुपये दूर होता. रत्ने आणि दागिन्यांच्या क्षेत्रात टायटन कंपनीचा दबदबा राहिला आहे. इतकेच नाही तर टायटनच्या स्टॉकने गेल्या पाच वर्षांत मार्केटमध्ये प्रभावी नफा नोंदवला आहे. दरम्यान, पुढे जाऊन टायटनमधील गुंतवणूकदार आणखी आनंदी होऊ शकतात कारण स्टॉक नवीन उच्चांक गाठेल आणि बहुधा FY २०२४-२५ दरम्यान रु. ३,२००० च्या वर जाण्याचा अंदाज असल्याचे म्हटले जात आहे.
टाटांच्या शेअरने गुंतवणूकदारांना धक्का; स्टॉक ६४% पेक्षा जास्त घसरला, १ लाखाचे उरले फक्त…
कंपनीचे आर्थिक परिणाम
टायटन कंपनीच्या सप्टेंबर २०२२ च्या तिमाही निकालांबद्दल बोलायचे तर कंपनीला या काळात ८५७ कोटी रुपयांचा निव्वळ नफा झाला आहे. टायटनचा नफा गेल्या वर्षीच्या सप्टेंबर तिमाहीच्या तुलनेत ३३.७ टक्के वाढला आहे. गेल्या वर्षी जुलै-सप्टेंबर या तिमाहीत टायटनला ६४१ कोटी रुपयांचा निव्वळ नफा झाला होता. टायटन कंपनीचा महसूल जुलै-सप्टेंबर २०२२ तिमाहीत २२% वाढून ८७३० कोटी रुपये झाला. तर गेल्या वर्षी याच तिमाहीत महसूल ७१७० कोटी रुपये होता. विशेष म्हणजे ज्वेलरी व्यवसायाच्या महसुलात १८% वाढ झाली आहे.
गुगल, अ‍ॅमेझॉन आणि फेसबुक… एकच कंपनी तिघांवर भारी, मार्केट-कॅप अनेक देशांच्या GDP पेक्षा जास्त
गेल्या आठवड्यात, शुक्रवारी, टायटनचे शेअर्स बीएसईवर ५.०५ रुपये किंवा ०.१८% ने वाढून रु. २७६८.३० वर बंद झाले. यासह कंपनीचे मार्केट कॅप जवळपास २.४६ लाख कोटी रुपये झाले आहे.
गुंतवणूकदारांची छप्परफाड कमाई! या शेअर्समध्ये पैसे गुंतवणारे मालामाल, तुमच्याकडे आहेत का?
कंपनी शेअर किमतीचा इतिहास
या वर्षी आतापर्यंत YTD मध्ये स्टॉक ८.३७% वाढला आहे. टायटनच्या स्टॉकने गेल्या पाच वर्षांत २४९.७२% परतावा दिला आहे. या काळात शेअर ८३२ रुपयांवरून २,७३५ रुपयांवर पोहोचला. त्याचा कमाल परतावा ६३,९५१.५२ टक्के आहे, म्हणजेच २२ वर्षांपूर्वी या शेअरमध्ये पैसे गुंतवणाऱ्यांनी आतापर्यंत कोट्यवधी रुपयांचा नफा कमावला आहे.
दिवंगत राकेश झुनझुनवाला ज्यांना ‘भारताचे वॉरन बफे’ म्हणून संबोधले जाते, ते टायटन समभागातील प्रमुख गुंतवणूकदारांपैकी एक होते. त्यांची पत्नी रेखा झुनझुनवाला देखील या स्टॉकमध्ये गुंतवणूक करातात. तर, टाटांचा हा स्टॉक झुनझुनवाला पोर्टफोलिओमधील सर्वात मोठी कमाई करणारा आहे.
