whatsapp status, बॅनरवरील आजोबांचा फोटो एडिट करून ठेवले व्हाट्सअप स्टेटस, भडकलेल्या अकरा नातवंडांनी उचलले धक्कादायक पाऊल – eleven grandchildren were outraged after editing their grandfather photo on the banner and putting it as a whatsapp status by a youth

परभणी : बॅनरवरील फोटो एडिट करून आजोबाच्या ठिकाणी स्वतःचा फोटो लावून व्हाट्सअप वर स्टेटस ठेवल्याने एका २१ वर्षीय युवकाचा तलवारीने वार करून खून केल्याची घटना परभणीच्या मानवत शहरामध्ये घडली आहे. याप्रकरणी अकरा आरोपींविरोधात मानवत पोलीस ठाण्यामध्ये गुन्हा दाखल करण्यात आला आहे. बलरामसिंग जोहरसिंग बावरी असे खून झालेल्या २१ वर्षीय युवकाचे नाव आहे. घटनेचा अधिक तपास मानवत पोलीस करत आहेत. तर पोलिसांनी या घटनेतील तीन आरोपींना ताब्यात घेतले आहे. इतर आरोपीच्या शोधासाठी पोलिसांचे पथके रवाना करण्यात आली आहेत. (eleven grandchildren were outraged after editing their grandfather photo)

गुरुनानक जयंतीनिमित्त मानवत शहरातील आठवडी बाजार परिसरामध्ये बॅनर लावण्यात आले होते. या बॅनरवर लावण्यात आलेल्या आरोपीच्या आजोबाचा फोटो एडिट करून बलरामसिंग जोहरसिंग बावरी याने व्हाट्सअप वर स्टेटस ठेवले. हा प्रकार लक्षात आल्यानंतर आपल्या आजोबांचा फोटो अशा प्रकारे वापरल्याचे न आवडल्याने त्या व्यक्तीची नातवंडे संतापली.

घटस्फोटाच्या सुनावणीत तडजोड झाली नाही, पतीचं न्यायालयाच्या आवारातच पत्नीसोबत भयानक कृत्य
बॅनरवरील व्यक्तीची नातवंडे सुरजीतसिंग सुलतानसिंग टाक, अर्जुनसिंग अरजीतसिंग टाक, बलवानसिंग सुलतानसिंग टाक, मंजीतसिंग मायासिंग टाक, आनंदसिंग कन्हैयासिंग टाक, सुलतानसिंग कन्हैयासिंग टाक, रणवीरसिंग अरजीतसिंग टाक, बलवानसिंग सुलतानसिंग टाक, रणवीरसिंग कन्हैयासिंग टाक, शेरसिंग कन्हैयासिंग टाक, जुगनूसिंग कन्हैयासिंग यांनी टाक मानवत शहरातील बस स्थानक परिसरामध्ये बलरामसिंग जोहरसिंग बावरी याच्यावर व्हाट्सअप वर फोटो ईडिट करून टेटस ठेवल्याचा मनात राग धरून तलवारीने वार करून बलरामसिंग जोहरसिंग बावरी याचा खून केला.

माझ्याकडे बघून सूसू का केलीस? १९ वर्षीय युवकावर अनैसर्गिक अत्याचार, Video ही शूट
घटनेची माहिती मिळताच सहाय्यक पोलीस अधीक्षक अबीनाश कुमार, मानवत पोलीस ठाण्याचे पोलीस निरीक्षक रमेश स्वामी, सहाय्यक पोलीस निरीक्षक आनंद बनसोडे, सहाय्यक पोलीस निरीक्षक फिरोज पठाण यांनी घटनास्थळी धाव घेऊन घटनेचा पंचनामा केला आहे. तर, या घटनेतील तीन आरोपींना पोलिसांनी ताब्यात घेतले आहे. इतर आठ आरोपींचा शोध घेण्यासाठी पोलिसांची पथके रवाना करण्यात आली आहेत. या घटनेमुळे मानवत शहरामध्ये भीतीचे वातावरण निर्माण झाले आहे.

पत्नीला घ्यायला सासरी आला पण तिने दिला नकार, पतीने क्षणात उचलले टोकाचे पाऊल