इन्स्टाग्राम आणि टिकटॉकवर व्हिडीओ पोस्ट करण्याची किंमत एका महिलेला चुकवावी लागली आहे. तमिळनाडूच्या तिरुपूर जिल्ह्यात ही घटना घडली. पोलिसांनी या प्रकरणात महिलेच्या पतीला अटक केली आहे. इन्स्टाग्रामवर अधिक वेळ घालवत असल्यानं महिलेचे पतीसोबत अनेकदा वाद व्हायचे. याच वादात रुपांतर हाणामारीत झालं. संतापलेल्या पतीनं महिलेची गळा दाबून हत्या केली.

तिरुपूरच्या डिंडुगलमध्ये वास्तव्यास असलेला ३८ वर्षांचा अमृतलिंगम तेन्नलपलयम भाजी मंडईत माथाडी कामगार म्हणून काम करतो. त्याची पत्नी चित्रा एका कपड्याच्या कारखान्यात काम करायची. दोघे शहरातील सेलम नगरात वास्तव्यास होते. चित्राला टिकटॉक आणि इन्स्टाग्रामवर रील्स शेअर करण्याची सवय होती. त्यावरून अमृतलिंगम आणि चित्रा यांच्यात अनेकदा वाद झाला. चित्रा सोशल मीडियावर बराच वेळ घालवत असल्यानं दोघांमध्ये भांडणं व्हायची.
मी स्वर्गात जाणार की नरकात? गुगल सर्च केलं, रिझल्ट पाहिला अन् अख्खा कुटुंबाला संपवलं
चित्राच्या रील्सना चांगला प्रतिसाद मिळत होता. तिचे फॉलोअर्स वाढले. त्यामुळे तिनं अभिनय क्षेत्रात करियर करण्याचा निर्णय घेतला. त्यासाठी २ महिन्यांपूर्वी ती चेन्नईला गेली. चित्रा गेल्या आठवड्यात मुलीच्या लग्नासाठी परतली. एका कार्यक्रमानंतर ती चेन्नईला जाणार होती. त्यासाठी ती तयारी करत होती. मात्र पती अमृतलिंगमला तिला जाऊ द्यायचं नव्हतं.

चित्राची रील्स अपलोड करण्याची सवय आणि तिची चित्रपटात काम करण्याची इच्छा यावरून दोघांत वाद झाला. वाद वाढत गेला. अमृतलिंगमनं त्याच्या गळात असलेल्या शालीचा वापर करून चित्राचा गळा आवळला. चित्रा बेशुद्ध पडली. तिची अवस्था पाहून पती घाबरला आणि तिथून पळाला. त्यानं मुलीला कॉल करून याची माहिती दिली.
भयंकर! भयानक!! १३७८ कॉल्स, अश्लिल व्हिडीओ; लेकीनं आईच्या प्रियकराला निर्घृणपणे संपवलं
नुकतीच लग्न करून सासरी गेलेली मुलगी माहेरी परतली. तिला चित्रा मृतावस्थेत आढळून आली. तिनं पोलिसांना घडलेला प्रकार सांगितला. माहिती मिळताच पोलीस घटनास्थळी पोहोचले. पोलिसांनी मृतदेह ताब्यात घेऊन शवविच्छेदनासाठी पाठवला. या प्रकरणात पोलिसांनी गुन्हा दाखल करून पेरुमनल्लूरवरून अटक केली.

LEAVE A REPLY

Please enter your comment!
Please enter your name here