baramati loksabha news, सुप्रिया सुळेंना घेरण्यासाठी भाजपही सज्ज; सीतारामन दुसऱ्यांदा बारामती दौऱ्यावर येणार – bjp leader and union minister nirmala sitharaman will again visit baramati loksabha in the last week of november

बारामती : आगामी लोकसभा निवडणुकांच्या दृष्टीकोनातून भाजपने आतापासूनच मोर्चेबांधणी करण्यासाठी सुरुवात केली असून बारामती लोकसभा मतदारसंघावर विशेष लक्ष केंद्रीत केलं आहे. सप्टेंबरनंतर महिन्यात बारामतीच्या दौऱ्यावर आलेल्या भाजप नेत्या आणि केंद्रीय अर्थमंत्री निर्मला सीतारामन या आता पुन्हा पवार कुटुंबाचा बालेकिल्ला किल्ला म्हणून ओळखल्या जाणाऱ्या या मतदारसंघात येणार आहेत. सीतारामन यांच्या दौऱ्याच्या पूर्वतयारीसाठी केंद्रीय राज्यमंत्री प्रल्हाद सिंह पटेल बारामतीत मुक्कामी येणार आहेत. याबाबत भाजप लोकसभा मतदारसंघप्रमुख अविनाश मोटे यांनी माहिती दिली.

अविनाश मोटे म्हणाले, केंद्रीय अर्थमंत्री निर्मला सीतारामन यांचा नोव्हेंबरच्या अखेरचा आठवडा किंवा डिसेंबरच्या पहिल्याच आठवड्यात बारामतीतील दुसरा दौरा आयोजित करण्यात येत आहे. त्याची पूर्वतयारी आम्ही आतापासूनच सुरू केली आहे. या दौऱ्यासाठी केंद्रीय राज्यमंत्री प्रल्हाद सिंह पटेल बारामतीत ११ आणि १२ नोव्हेंबर रोजी मुक्कामी येणार आहेत. ११ तारखेला खडकवासला, भोर, पुरंदर, जेजुरीवरुन पटेल हे बारामती येथे येणार आहेत.

Sanjay Raut: ठाकरेंचा हुकमी एक्का तुरुंगाबाहेर येणार का? संजय राऊतांच्या जामीन अर्जावर सुनावणी

दरम्यान, यावेळी प्रल्हाद सिंह पटेल यांच्यासमवेत भाजप आमदार राम शिंदे, गणेश भेगडे, वासुदेव काळे आदी नेते उपस्थित राहणार आहेत. तसंच पटेल हे १२ नोव्हेंबर रोजी इंदापूर, भिगवण, दौंड येथे भेट देणार आहेत. त्यानंतर कौन्सिल हॉल पुणे येथे माध्यमांशी संवाद साधणार असल्याचं अविनाश मोटे यांनी स्पष्ट केलं आहे.