Authored by प्रसाद रानडे | Edited by रोहित धामणस्कर | महाराष्ट्र टाइम्स.कॉम | Updated: 9 Nov 2022, 12:23 pm
Sindhudurg local news | वादाच्या पार्श्वभूमीवर सुधा मूर्ती आणि संभाजी भिडे यांची भेट प्रचंड चर्चेचा विषय ठरली होती. या भेटीवेळी सुधा मूर्ती यांनी संभाजी भिडे यांना वाकून नमस्कारही केला होता. सुधा मूर्ती यांच्या या कृतीवर अनेकांनी नाराजी व्यक्त केली होती. मात्र, सुधा मूर्ती यांनी या वादावर प्रतिक्रिया देणे टाळले होते. त्यानंतर सुधा मूर्ती सांगलीतून कोकणाच्या दिशेने रवाना झाल्या होत्या.
हायलाइट्स:
- सुधा मूर्ती या बुधवारी सिंधुर्दुगात दाखल झाल्या
- बापर्डे येथील पुरातन असलेल्या श्री दुर्गादेवीचे दर्शन घेतले
- सुधा मूर्ती यांनी दुर्गादेवीला साकडे घातले
सुधा मूर्ती या बुधवारी सिंधुर्दुगात दाखल झाल्या. सुधा मुर्ती यांनी यावेळी बापर्डे येथील पुरातन असलेल्या श्री दुर्गादेवीचे दर्शन घेतले. ब्रिटनचे पंतप्रधान ऋषी सुनक हे सुधा मूर्ती यांचे जावई आहेत. त्यांच्यासाठी सुधा मूर्ती यांनी दुर्गादेवीला साकडे घातले. सूनक यांचे श्री दुर्गादेवी हे श्रद्धास्थान आहे, त्यामुळे ओटी भरली व आपले जावई ब्रिटनचे पंतप्रधान ऋषी सूनक यांच्यासाठी प्रार्थना करून आशिर्वाद घेतल्याचे सुधा मूर्ती यांनी सांगितले. यावेळी खास कोकणातील पारंपरिक पध्दतीने गाऱ्हाणे घालण्यात आले. याचा व्हिडिओ सध्या सोशल मीडियावर व्हायरल होत आहे.
सुधा मूर्ती आणि भिडे गुरुजींची भेट चर्चेच्या केंद्रस्थानी
सोमवारी ७ नोव्हेंबर रोजी सुधार मूर्ती सांगलीमध्ये होत्या. तेथे एका कार्यक्रमात त्यांची आणि संभाजी भिडे यांची भेट झाली. दोघांनी पाच मिनिटे चर्चा देखील केली. भिडे यांच्याशी चर्चा झाल्यानंतर मूर्ती त्यांच्या पाया देखील पडल्या.या घटनेचा व्हिडिओ सोशल मीडियावर चर्चेत आला आहे. भिडे यांची भेट घेताना सुधा मूर्ती मराठमोळ्या पेहरावात होत्या. त्यांनी साडी घातली होती आणि नथ तसेच केसात गजराही माळला होता. सुधा मूर्ती यांनी त्यांच्या कुरुंदवाड येथील जुन्या घरी भेट दिली. इथे आल्यावर सगळे मला आपलेसे वाटतात, अशी प्रतिक्रिया त्यांनी दिली. सुधा मूर्ती यांनी अंबाबाईचे देखील दर्शन घेतले होते.
जवळच्या शहरातील बातम्या
Marathi News App: तुम्हालाही तुमच्या अवतीभवती होत असलेल्या बदलांमध्ये सहभागी व्हायचं आहे? सिटिझन रिपोर्टर अॅप डाउनलोड करा आणि रिपोर्ट्स पाठवा.
