Maharashtra Politics | संजय राऊत हे आता आर्थर रोड कारागृहात जाऊन जामिनाचे सोपस्कार पूर्ण करतील. तुरुंगातून बाहेर पडण्यापूर्वी आवराआवर करण्यासाठी राऊतांना वेळ मिळेल. उच्च न्यायालयानेही संजय राऊत यांच्या जामीनाला स्थगिती न दिल्यास ते तुरुंगातून आजच बाहेर पडतील. यापूर्वी संजय राऊत यांना त्यांनी कारागृहात येताना आणलेल्या सर्व वस्तू परत दिल्या जातील. तसेच जामिनाची कायदेशीर प्रक्रियाही यावेळी पूर्ण केली जाईल.
हायलाइट्स:
- ईडीने संजय राऊत यांच्या जामिनाला स्थगिती देण्याची मागणी केली आहे
- ४.३० च्या सुमारास सुनावणी होण्याची शक्यता
सूत्रांच्या माहितीनुसार, संजय राऊत हे आता आर्थर रोड कारागृहात जाऊन जामिनाचे सोपस्कार पूर्ण करतील. तुरुंगातून बाहेर पडण्यापूर्वी आवराआवर करण्यासाठी राऊतांना वेळ मिळेल. उच्च न्यायालयानेही संजय राऊत यांच्या जामीनाला स्थगिती न दिल्यास ते तुरुंगातून आजच बाहेर पडतील. यापूर्वी संजय राऊत यांना त्यांनी कारागृहात येताना आणलेल्या सर्व वस्तू परत दिल्या जातील. तसेच जामिनाची कायदेशीर प्रक्रियाही यावेळी पूर्ण केली जाईल. संजय राऊत हे तुरुंगातून सुटल्यास थेट मातोश्रीवर उद्धव ठाकरेंच्या भेटीसाठी जाणार असल्याचेही सांगितले जात आहे. तर दुसरीकडे भांडूप येथील संजय राऊत यांच्या निवासस्थानी त्यांच्या स्वागताची जय्यत तयारी करण्यात आली आहे. याठिकाणी डीजे, फटाके आणि रोषणाई करण्यास सुरुवात झाली आहे. त्यामुळे पुढील काही तासांमध्ये काय घडणार, याची उत्सुकता राजकीय वर्तुळाला लागली आहे.
जामीन मिळाल्यानंतर संजय राऊत काय म्हणाले?
विशेष पीएमएलए कोर्टात संजय राऊत यांच्या निकालाबाबत सुनावणी झाली. निकाल जाहीर झाल्यानंतर टाळ्यांचा कडकडाट झाला. मात्र खुद्द संजय राऊत यांना क्षणभर हा निकाल काय आहे, तेच समजलं नसल्याचं बोललं जातं. मात्र वकिलांनी त्यांना जामीन मंजूर झाल्याचं सांगितलं, त्यानतर ते भावनिक झाले. कोर्टात राऊत कुटुंबीय उपस्थित होते. संजय राऊत आपला परिवार आणि कार्यकर्त्यांना भेटले. यावेळी त्यांनी माझा न्यायदेवतेवर पूर्ण विश्वास होता, असं सांगत आभार व्यक्त केले आणि आता मी पुन्हा लढेन, कामाला सुरुवात करेन, असा एल्गार केला.
जवळच्या शहरातील बातम्या
Marathi News App: तुम्हालाही तुमच्या अवतीभवती होत असलेल्या बदलांमध्ये सहभागी व्हायचं आहे? सिटिझन रिपोर्टर अॅप डाउनलोड करा आणि रिपोर्ट्स पाठवा.
