रांची: भारतीय क्रिकेट संघाचा माजी कर्णधार आणि क्रिकेटपटू महेंद्र सिंग धोनी केवळ खेळाच्या क्षेत्रातच नाही तर पैशाच्या बाबतीतही सर्वोत्तम फिनिशर आहे. एमएस धोनीच्या इन्कम टॅक्स रिटर्न फायलींगमध्ये दरवर्षी चांगली वाढ होताना दिसत आहे आणि तो वर्षानुवर्षे कमाईच्या बाबतीत पुढे जात आहे.

आंतरराष्ट्रीय क्रिकेटमधून निवृत्ती घेतल्यानंतर धोनी व्यवसायाच्या जगात यशाची नवीन शिडी चढत आहे. व्यवसायाच्या विस्तारामुळे त्याचे वैयक्तिक उत्पन्न सतत वाढत असून आयकर विभागाची फाइल याची पुष्टी करते. धोनीने चालू आर्थिक वर्षाच्या पहिल्या सहामाहीत म्हणजेच एप्रिल ते ऑक्टोबर २०२२ या कालावधीत प्राप्तिकर विभागात आगाऊ कर (ॲडव्हान्स टॅक्स) म्हणून १७ कोटी रुपये जमा केले आहेत, तर गेल्या आर्थिक वर्षात त्याने या कालावधीसाठी आगाऊ कर म्हणून १३ कोटी रुपये भरले होते.

भारताच्या ‘सूर्या’चा भाव वाढला; एका वर्षात मूल्य तीन पटीने वाढले, पडतोय पैशांचा पाऊस
गेल्या अनेक वर्षांपासून धोनीचा आयकर
या आर्थिक वर्षाच्या अखेरीस त्यांचे उत्पन्न सुमारे ३० टक्क्यांनी वाढेल असा अंदाज वर्तवण्यात येत आहे. धोनीने २०२१-२२ या वर्षासाठी प्राप्तिकर विभागाला ३८ कोटी रुपये कर भरले होते. म्हणजेच या वर्षी त्यांचे एकूण उत्पन्न सुमारे १३० कोटी इतके होते. याआधी म्हणजेच २०२०-२१ मध्ये त्याने सुमारे ३० कोटींचा कर भरला होता. तर आणखी मागे जाऊन २०१९-२० आणि २०१८-१९ मध्ये २८ कोटींचा आयकर भरला होता.

धोनीचे उत्तर ऐकून मंदिरा बेदी लाजली; पाहा काय म्हणाला त्या १६ सेकंदात
आयकर विभागाच्या आकडेवारीनुसार धोनीने आंतरराष्ट्रीय क्रिकेट कारकीर्द सुरू केल्यापासून झारखंडमधील वैयक्तिक श्रेणीतील सर्वात मोठा आयकर भरला आहे. अर्थात १५ ऑगस्ट २०२० रोजी, धोनी आंतरराष्ट्रीय क्रिकेटच्या सर्व फॉरमॅटमधून एक खेळाडू म्हणून दूर असूनही व्यावसायिक खेळपट्टीवर चमकदार खेळी खेळत आहे. मात्र, क्रिकेटपटू म्हणून अजूनही आयपीएल खेळत आहे.

VIDEO – कोण आहे धोनीचा क्रिकेटमधील आदर्श, म्हणाला-त्याच्यासारखं क्रिकेट खेळणं कधी जमलंच नाही
एमएस धोनीची गुंतवणूक
भारताच्या माजी कर्णधाराने अनेक कंपन्यांमध्ये गुंतवणूक केली असल्याचे समोर आले आहे. धोनीने स्पोर्ट्स वेअर, होम इंटिरियर कंपनी होमलेन, वापरलेली कार विक्री कंपनी कार्स २४, स्टार्टअप कंपनी खतबुक, बाइक रेसिंग कंपनी, स्पोर्ट्स कंपनी रन ॲडम, क्रिकेट कोचिंग आणि सेंद्रिय शेतीमध्येही गुंतवणूक केली आहे. तसेच रांचीमध्ये धोनी सुमारे ४३ एकर जमिनीत सेंद्रिय शेती करतो. याशिवाय अगदी अलीकडे, त्यांनी गरुड एरोस्पेसच्या भागीदारीत ड्रोन निर्मितीसाठी द्रोणी नावाचा उपक्रम सुरू केला आहे.

एक चित्रपट निर्मिती कंपनीचीही स्थापन
दरम्यान, यावर्षी बंगळुरूमध्ये एमएस धोनी ग्लोबल स्कूलही सुरू करण्यात आले आहे. याशिवाय धोनी आणि त्याची पत्नी साक्षी यांनी धोनी एंटरटेनमेंट नावाची फिल्म प्रोडक्शन कंपनीही सुरू केली आहे. या कंपनीने तमिळ भाषेत पहिला चित्रपट बनवण्याची घोषणाही केली आहे, ज्याचे दिग्दर्शन रमेश थमिलमनी करणार आहेत.

LEAVE A REPLY

Please enter your comment!
Please enter your name here