amazon market value, मंदीचा फटका! Amazon चे १ लाख कोटी रुपये पाण्यात, इतर कंपन्यांचे काय? – recession hit amazon became the first company to lose $10 trillion, what about others

बाजाराचा ‘बुल’ घोड्या पेक्षा वेगाने धावणार! शेअर बाजाराबाबत महत्वाचं भाकीत!
कमकुवत तिमाही निकाल
gizmodo.com च्या अहवालानुसार, ॲमेझॉनने गेल्या महिन्यातच तिसऱ्या तिमाहीचे निकाल जाहीर केले, त्यानंतर गुंतवणूकदारांची निराशा झाली. विशेष म्हणजे, कंपनीने चौथ्या तिमाहीत केवळ २.८% वार्षिक वाढीचा अंदाज व्यक्त केला आहे, जो त्यांच्यासाठी खूपच कमी आहे. सतत नवनवीन उंची गाठणाऱ्या ॲमेझॉनला ई-कॉमर्स खरेदीत घट झाल्याने मोठा तोटा सहन करावा लागला आहे.

एलन मस्कचे मोठे नुकसान! टेस्लाचे कोट्यवधीचे शेअर्स विकण्याची वेळ; Twitter डील महागात पडली
शेअर्स ५०% घसरले
ॲमेझॉन, जगातील सर्वात मोठी ऑनलाइन रिटेलर, यावर्षी ई-कॉमर्स क्षेत्रात मोठ्या मंदीचा सामना करत आहे. तर कंपनीला करोना साथीच्या आधीच्या स्थितीपर्यंत पोहोचण्यासाठी आणखी थोडा वेळ लागू शकतो. मंद विक्री, वाढता खर्च आणि व्याजदरात झालेली वाढ यामुळे त्याचे शेअर्स जवळपास ५० टक्क्यांनी घसरले आहेत. तसेच ब्लूमबर्ग आकडेवारीनुसार ॲमेझॉनचे सह-संस्थापक जेफ बेझोस यांनी सुरुवातीच्या दिवसांपासून कंपनी ८३ अब्ज डॉलरवरून १०९ अब्ज डॉलरपर्यंत वाढल्याचे पाहिले आहे.

अमेरिकेत मंदी भारतासाठी संधी; IT कंपन्यांतील नोकरकपात भारतासाठी कशी फायद्याची
नवीन भरतीवर बंदी
दरम्यान, तिसऱ्या तिमाहीचे आकडे जाहीर करताना ॲमेझॉनचे सीईओ अँडी जेसी म्हणाले की, आर्थिक वातावरणात खूप बदल होत आहेत. अँडीने सांगितले की ते त्याच्या प्रमुख दीर्घकालीन उद्दिष्टांशी समतोल साधून गुंतवणूक धोरण तयार करेल. मात्र, चांगली गोष्ट म्हणजे ॲमेझॉनने अद्याप कर्मचाऱ्यांना कामावरून काढलेले नाही मात्र, कंपनीने नव्या भरतीला स्थगिती दिली आहे. लक्षात घ्या की मेटासह अनेक दिग्ज टेक कंपन्यांनी उत्पन्नातील घट लक्षात घेऊन कर्मचारी कपात केली आहे.

मेटाचा ११ हजार कर्मचाऱ्यांना नारळ
सोशल मीडिया प्लॅटफॉर्म फेसबुकची मूळ कंपनी, मेटा प्लॅटफॉर्म्स इंक. ने बुधवारी ११,००० हून अधिक कर्मचाऱ्यांना कामावरून काढले तर, कंपनीने आधीच नवीन भरती थांबवली आहे. मेटा सीईओ मार्क झुकरबर्गने टाळेबंदीबद्दल माफी मागितली आणित्यांच्याकडे दुसरा पर्याय नसल्याचे सांगितले.